Cristiano Ronaldo mbrëmjen e 30 dhjetorit nënshkroi zyrtarisht për klubin arab, Al-Nassr.
Ai nënshkroi kontratë 2-vjeçare e gjysmë me klubin arab deri më 2025, në një shumë astronomike.
Portugezi do të përfitojë rreth 200 milionë euro në vit, duke firmosur kontratën më të madhe ndonjëherë në histori të futbollit.
Ndikimi i portugezit u vërejt edhe me rritjen e ndjeshme e ndjekësve të Al-Nassr në Twitter, në 3.4 milionë nga vetëm rreth 834,000 sa numëronte përpara zyrtarizimit të Ronaldos.
Në më pak se 24 orë, rreth 2.5 milionë përdorues kanë filluar të ndjekin llogarinë e Al-Nassr në Instagram, duke dëshmuar se fansat besnikë të portugezit do ta ndjekin atë kudo, raporton Sinjali Sport.
Llogaria thuhet se ka dëshmuar një rritje prej 400 për qind pas njoftimit.
Klubi i bëri mirëseardhje të ngrohtë Cristiano Ronaldos në llogarinë e tij në Instagram, duke e përshkruar rastin si “më shumë se histori në zhvillim”.
“Kjo është më shumë se histori në zhvillim. Kjo është një nënshkrim që jo vetëm do të frymëzojë klubin tonë për të arritur suksese edhe më të mëdha, por do të frymëzojë ligën tonë, kombin tonë dhe brezat e ardhshëm, djemtë dhe vajzat që të jenë versioni më i mirë i tyre. Mirë se vini @cristiano në shtëpinë tuaj të re”, postoi klubi në Twitter.
