Java e 22-të në Superligën e Kosovës në basketboll. Këtë shtunë, kur në program për t’u zhvilluar janë dy ndeshje.
Ndeshja e parë për sot është ajo mes Ponte Prizrenit dhe Trepçës. Ndeshja do të zhvillohet në palestrën “Minatori” pas dakordimit mes dy klubeve, shkaku se palestra “Sezai Surroi” është ende në rinovim.
Prizrenasit kanë shtatë fitore e 14 humbje, ndërsa mitrovicasit 12 fitore e nëntë humbje, prandaj kjo sfidë është shumë e rëndësishme për të dy skuadrat.
Kjo ndeshje do të zhvillohet nga ora 17:00.
Ndërsa, nga ora 19:00, në palestrën sportive “Shani Nushi” do të zhvillohet ndeshja mes Vëllaznimit dhe Bashkimit, që gjithashtu ka rendësi të madhe për të dy skuadra.
“Kuqezinjtë” ndodhen në vendin e gjashtë me tetë fitore e 13 humbje, ndërsa “Portokallezinjtë” janë në vendin e pestë me nëntë fitore e 12 humbje.
