Paris Saint-Germain është eliminuar mbrëmë nga Bayern Munich në 1/8 të Champions League me rezultat përfundimtar 3-0.
Kjo nuk është hera e parë që PSG nuk arrijnë ta përmbushin dëshirën e madhe të tyre për të fituar trofeun e madh të Champions League.
Mirëpo kjo gjendje është duke i dhënë “kokëdhimbje” presidenti të klubit, Nasser Al Khelaifi, i cili viteve të fundit bëri investime të mëdha duk mbushur skuadrën me yje të mëdha të futbollit, shkruan FrontOnline.
Gjithashtu edhe duke shkarkuar trajnerin e atëhershëm Pochettinhon dhe duke ulur në stolin e trajnerit Christophe Galtier me shpresën që do të arrijnë ta fitojnë këtë trofe.
“Marca” ka bërë të ditur se tashmë PSG do të fillojnë projektin e tyre të ri, të ashtuquajtur sipas tyre, “Të rinjtë të talentuar rreth Kylian Mbappes”.
Duke lënë të kuptohet se disa yje do të largohen dhe do të nxënë pozitat e tyre talent të moshës së re.
Kylian Mbappe ka bërë të qartë të ardhmen e tij, duke thënë se ndihet u lumtur në ambientet e Paris Saint-Germain.
Mirëpo e njëjta gjë nuk do të ndodhë me Messin i cili ende nuk ka arritur marrëveshje për rinovimin e kontratës dhe Neymar i cili e ardhmja e tij ende nuk dihet.
Brazilianit i skadon kontrata në fund të sezonit në vitin 2025, ndërsa ka kërkuar nga krerët e skuadrës dy herë për një rinovim të kontratës me një marrëveshje deri në vitin 2027, mirëpo nuk ka marrë ndonjë përgjigje.
“Marca” gjithashtu ka bërë të ditur se i pari që do të largohet nga ekipi i PSG-së do të jetë trajneri Galtier edhe pse kontrata e tij do të skadojë në fund të sezonit të vitit 2024.
Pas humbjes ndaj Marseille në Kupën e Francës, Galtier e kishte edhe një mundësi në Chapions League për të treguar vetën dhe për të qëndruar në stolin e trajnerit, mirëpo kjo nuk ndodhi pasiqë shënuan humbje ndaj Bayern Munich me rezultat 3-0.
Pas këtyre dështimeve, PSG do të fokusohet në fitoren e Ligue 1, duke gjetur ngushëllimin që ta përfundojnë sëpaku sezonin me një trofe.
