Gazetarët në Kosovë kanë pasur sulme të njëpasnjëshme si pasojë e profesionit të tyre, ndërkaq ambienti ku ata punojnë vazhdon të mbetet mjaft sfidues. Kështu u tha në konferencën e organizuar nga Asociacioni i Gazetarëve të Kosovës me rastin e Ditës Botërore të Lirisë së Shtypit.
Vetëm këtë vit në Kosovë janë raportuar 11 raste të dhunës ndaj gazetarëve, ndërsa vitin e kaluar kanë qenë 33 raste. Prandaj, konferenca pati në fokus pikërisht temën e sigurisë së gazetarëve gjatë raportimit dhe pozitën e tyre në dhomën e lajmeve ndër vite. Si sfidë kryesore e raportimit të gazetarëve u cilësua veriu i Kosovës gjatë barrikadave.
Kryetari i Asociacionit të Gazetarëve të Kosovës, Xhemajl Rexha, tha se 33 raste të sulmeve të ndryshme kanë ndodhur vitin e kaluar dhe sivjet.
Sipas tij, AGK-ja ka ngritur alarmin te organet e sigurisë vendore dhe ndërkombëtare për të ofruar kushte elementare të sigurisë për gazetarët gjatë raportimit në veri, por që KFOR-i nuk i është përgjigjur kërkesë së tyre.
Madje tha se Policia e Kosovës ende nuk ka një strategji të qartë të veprimit në raport me mediet në këto rrethana.
Ai tha se në vazhdimësi ka sulme ndaj gazetarëve nëpërmes f
