Kompania ndërtimore nga Mitrovica “OKI Sh.P.K.” ka ndërtuar pllakë ndërtimore betoni pa leje komunale në qendër të Mitrovicës.
Kjo pllakë është ndërtuar para disa ditësh para ndërtesave që ka ndërtuar me herët kjo kompani në qendër të Mitrovicës, më saktësisht në rrugën që çon në drejtim të Stacionit Policor, rruga “Marin Barleti”, raporton Gazeta Online Veriu.info.
Banorët e banesave përreth kanë dërguar foto në Veriu.info, duke u ankuar se po kompania po ndërton pa leje në pronën e përbashkët banesore e cila ishte shfryëzuar më herët për marrjen e lejeve tjera ndërtimore dhe që proceduralisht kjo pronë ku është vendosur pllaka duhet të kaloj ligjërisht në pronësi komunale.
Pra, në pjesën ku ka ndërtuar këtë pllakë betoni OKI Sh. P. K. nuk ka leje por as nuk ka të drejt të marrë leje në të ardhmen për ndërtim aty.
Pra, inspekcioni tash është i detyruar që t’ia largojë këtë pllakë të jashtëligjshme, pasi nuk posedon leje dhe as që do të mund të merrte leje më vonë.
Këto janë fotot e dërguara në Veriu.info nga banorët e zonën përreth:
