A do të vendosë Gjermania tatime më të larta për të pasurit për të mbyllur një boshllëk buxhetor prej më shumë se 30 miliardë eurosh? Në Gjermani po zhvillohet një debat i madh mes partive në koalicion.
Buxheti gjerman për vitin 2027 po përballet me një deficit prej disa miliardë eurosh. Prandaj, Ministri i Financave Lars Klingbeil nuk e përjashton një rritje të tatimeve për ata që kanë të ardhura të larta. Kristiandemokratët janë të indinjuar. Tani Klingbeil, i cili është edhe kreu i SPD-së, ka sqaruar qëndrimin e tij në emisionin “Bericht aus Berlin”, duke theksuar se të gjithë duhet të japin kontributin e tyre.
Për disa javë tani, në Gjermani ka pasur një debat nëse nevojiten taksa më të larta për të pasurit në mënyrë që të mbyllet boshllëku buxhetor prej më shumë se 30 miliardë eurosh. Ministri i Financave, Lars Klingbeil e njoftoi këtë në një intervistë në ZDF në mesin e gushtit, po u përball me rezistencë të ashpër nga partnerët e koalicionit nga partitë CDU/CSU.
Tani Klingbeil ka mbrojtur dhe specifikuar qëndrimin e tij në emisionin “Bericht aus Berlin”. Ai tha se deficiti buxhetor për vitin 2027 ishte rritur më tej për shkak të projekteve të tilla si “pensioni i nënave” dhe kompensimi për komunat si pjesë e projektit “stimulimi i rritjes”.
“Nuk mendoj se ka pasur ndonjëherë një qeveri federale që është dashur të mbyllë një boshllëk kaq të madh në buxhet,” tha Klingbeil. “Dhe unë këshilloj që të gjitha opsionet të mbahen të hapura derisa të mund të njoftojmë se 30 miliardë janë shlyer dhe se ky boshllëk është mbyllur.”
Buxheti gjerman për vitin 2027 po përballet me një deficit prej disa miliardë eurosh. Prandaj, Ministri i Financave Lars Klingbeil nuk e përjashton një rritje të tatimeve për ata që kanë të ardhura të larta. Kristiandemokratët janë të indinjuar. Tani Klingbeil, i cili është edhe kreu i SPD-së, ka sqaruar qëndrimin e tij në emisionin “Bericht aus Berlin”, duke theksuar se të gjithë duhet të japin kontributin e tyre.
Për disa javë tani, në Gjermani ka pasur një debat nëse nevojiten taksa më të larta për të pasurit në mënyrë që të mbyllet boshllëku buxhetor prej më shumë se 30 miliardë eurosh. Ministri i Financave, Lars Klingbeil e njoftoi këtë në një intervistë në ZDF në mesin e gushtit, po u përball me rezistencë të ashpër nga partnerët e koalicionit nga partitë CDU/CSU.
Tani Klingbeil ka mbrojtur dhe specifikuar qëndrimin e tij në emisionin “Bericht aus Berlin”. Ai tha se deficiti buxhetor për vitin 2027 ishte rritur më tej për shkak të projekteve të tilla si “pensioni i nënave” dhe kompensimi për komunat si pjesë e projektit “stimulimi i rritjes”.
“Nuk mendoj se ka pasur ndonjëherë një qeveri federale që është dashur të mbyllë një boshllëk kaq të madh në buxhet,” tha Klingbeil. “Dhe unë këshilloj që të gjitha opsionet të mbahen të hapura derisa të mund të njoftojmë se 30 miliardë janë shlyer dhe se ky boshllëk është mbyllur.”
Merz kundërshton qartë rritjen e taksave
Ndërkohë, kancelari federal Friedrich Merz e ka hedhur poshtë qartë idenë e rritjes së taksave. CDU/CSU dhe SPD ranë dakord në marrëveshjen e koalicionit që taksat nuk do të rriteshin, tha kryetari i CDU-së në një intervistë verore me ZDF, duke shtuar: “Marrëveshja e dakorduar e koalicionit qëndron.”
Tema u diskutua gjerësisht në negociatat e koalicionit. Në atë kohë, kreu i CSU-së, Markus Söder dhe kreu i CDU-së, Friedrich Merz ia bënë të qartë Klingbeil se nuk do ta nënshkruanin marrëveshjen nëse SPD këmbëngulte në rritjen e taksave. “SPD e di shumë mirë këtë,” tha Merz.
Kancelari shtoi: “Fakti që SPD ka pikëpamje të ndryshme për këtë çështje është po aq i mirë sa fakti që ne kemi pikëpamjet tona për çështje të tjera. Ne nuk po kërkojmë atë që na ndan. Ne po kërkojmë atë që na lejon të qeverisim së bashku dhe me përgjegjësi.”
Söder i bën thirrje SPD-së që të respektojë marrëveshjen
Söder kritikoi gjithashtu propozimet e Klingbeil. “Jo, nuk po rrisim tatimet tani. Duhet t’i ulim tatimet”, i tha ai Handelsblatt. “Kushdo që nënshkruan një marrëveshje koalicioni duhet ta zbatojë atë dhe jo ta vërë gjithçka në pikëpyetje pas disa muajsh”.
Söder kundërshtoi gjithashtu idenë e disa deputetëve të CDU-së t’i ofrojnë SPD-së tatime më të larta për të pasurit në këmbim të reformave në sistemin e mirëqenies sociale. “Kjo është jashtë çdo diskutimi për mua”, theksoi kreu i CSU-së. Söder theksoi se kostot e shkaktuara nga migrimi dhe shfrytëzimi i sistemeve të mirëqenies sociale kanë shpërthyer dhe se nevojitet një “përditësim themelor”.
Ai po bën thirrje përsëri për një reformë të ndihmave sociale, të quajtur “Bürgergeld”, që nënkupton kritere më të rrepta për ata që refuzojnë punën ose marrin para nga shteti për strehim dhe shërbime. Ky qëndrim mbahet edhe nga kreu i CDU-së dhe kancelari Friedrich Merz./DW/
