Në Ditën Ndërkombëtare të Zjarrfikësve, UD. e presidentës Albulena Haxhiu ka shprehur mirënjohje për zjarrëfikësit.
Sipas Haxhiut, në çastet kur të tjerët largohen nga rreziku, zjarrfikësit nisen drejt tij. Më tutje Haxhiu thotë se puna e tyre kërkon guxim të madh por edhe disiplinë.
Postimi i plotë:
Në Ditën Ndërkombëtare të Zjarrfikësve, mirënjohje për njerëzit e minutave të para.
Në çastet kur të tjerët largohen nga rreziku, zjarrfikësit nisen drejt tij.
Në shpërthime zjarri, në përmbytje, në aksidente apo shpëtim ata janë aty ku sekondat vlejnë më shumë se çkado tjetër.
Puna e tyre kërkon guxim të madh por edhe disiplinë.
Sot i falënderojmë për shërbimin e tyre të përditshëm dhe për gatishmërinë që tregojnë në çastet kur qytetarët kanë më së shumti nevojë.
