Profesori i shkencave politike, Nexhmedin Spahiu, është deklaruar për “Gazeta Blic” pas kumtesës së KFOR-it se mbetet e paqartë vendodhja e policëve në momentin e kidnapimit nga Serbia.
Spahiu duke komentuar këtë deklaratë të KFOR-it, tha se kjo qartazi është luftnxitje.
Ai tha se Bashkësia Ndërkombëtare është duke i fryrë erës së luftës mes Kosovës dhe Serbisë pasi NATO me metër mundet me e pa prej satelitit vendodhjen e policëve.
“Eshtë qartazi luftënxitje. Bashkësia Ndërkombëtare është duke i fryrë erës së luftës mes Kosovës dhe Serbisë”
“Nato prej satelitit mundet me e pa me metër dhe me i verifiku këto gjëra por kur nuk duan nuk e bëjnë dhe ne nuk mund t’i detyrojmë ata”
Spahiu potencoi se në rastin në fjalë ka patur shkelje në zinxhirin komandues të policisë.
“Institucionet tona nuk po fokusohen se ku është thelbi i problemit. Thelbi i problemit është fakti se ka pas shkelje në zinxhirin komandues të policisë së Kosovës. Janë dërguar tre policë aty ku do të duhej të dërgoheshin 8 deri në 16 policë, sepse ankesat që janë bërë nga ana e atyre policëve në detyrë dhe kolegëve të tyre ” u është thënë hajt mos keni problem se KFOR-i është aty veq formalisht le të dukeni aty”. KFOR natyrisht edhe Serbia që e përcjell situatën e ka pa si është situata, në një moemnt KFOR-i ka lëshu rrugë për qëllime që ata i dinë dhe ka ndodh kjo që ka ndodh. Por, ne nuk nuk mund ta dënojmë KFOR-in po mund t’i dënojmë zingjirin koamndues të Policisë së Kosovës e cila e ka bërë lëshimin në fjalë dhe këta nuk po e bëjnë” tha Spahiu për “Gazeta Blic”
Misioni i NATO-s në Kosovë, KFOR, deklaroi dje se nuk është e qartë se ku kanë qenë tre policët e Kosovës, në kohën e arrestimit nga forcat serbe.
“Pas ndalimit më 14 qershor të tre zyrtarëve të Policisë së Kosovës, misioni i KFOR-it i udhëhequr nga NATO ka shqyrtuar vendndodhjen e ngjarjes dhe ka biseduar me përfaqësues të Institucioneve në Kosovë dhe të autoriteteve serbe. Bazuar në inputet në dispozicion, mbetet e paqartë se ku ndodheshin zyrtarët e Policisë së Kosovës në momentin e arrestimit” thuhet në reagimin e tyre
