Liderja e përkohshme e Venezuela, Delcy Rodríguez, ka zëvendësuar komandantët kryesorë ushtarakë një ditë pas emërimit të një ministri të ri të mbrojtjes.
Rodríguez tha se emërimet e reja do të garantojnë “sovranitetin, paqen, stabilitetin dhe integritetin territorial” të Venezuelës.
Që nga largimi i Maduros nga pushteti, Rodríguez është distancuar nga qeverisja e mëparshme dhe ka bashkëpunuar ngushtë me SHBA, duke rikthyer marrëdhëniet diplomatike në fillim të marsit.
Emërimet e reja përfshijnë: Dilio Alejandro Agüero Montes, komandant i marinës; Royman Antonio Hernández Briceño, komandant i forcës ajrore; Rubén Darío Belzares Escobar, komandant i ushtrisë dhe Gustavo González López, ministër i mbrojtjes, duke zëvendësuar Vladimir Padrino López, aleatin e Maduro-s.
González López ka qenë më parë drejtori i shërbimit inteligjent Sebin gjatë qeverisjes së Maduro-s dhe është objekt i sanksioneve amerikane për akuzat e dhunës dhe shkeljeve të të drejtave të njeriut, përfshirë arrestime arbitrare dhe tortura gjatë protestave.
Megjithatë, Rodríguez shprehu besim të plotë në integritetin dhe aftësitë udhëheqëse të González López për detyrën e re, duke e pritur atë dhe komandantët e tjerë ushtarakë në pallatin presidencial në Karakas.
Ky ndryshim thekson përpjekjen e qeverisë së përkohshme për të rivendosur kontrollin mbi ushtrinë dhe për të konsoliduar autoritetin e saj pas krizave të mëparshme politike dhe ndërhyrjeve të huaja.
