Bedri Hamza i PDK-së po vazhdon vizitën në Shtetet e Bashkuara të Amerikës tash e disa ditë, ku sot u prit në Departamentin Amerikan të Shtetit ku takoi udhëheqësin e ri të diplomacisë amerikane në Ballkan, Alexander Kasanof, raporton Gazeta Online Veriuinfo.
“Në këtë takim tepër të rëndësishëm dhe përmbajtësor, z. Kasanof e urova edhe për postin e ri. Ne u pajtuam për nevojën thelbësore për bashkëpunim, koordinim dhe parashikueshmëri në marrëdhëniet tona me SHBA-në, ndërsa unë e prezantova planin e qeverisjes sime të fokusuar në zhvillim të hovshëm ekonomik, me investime strategjike, me rritjen e mirëqenies së qytetarëve dhe anëtarësimin në NATO, ku mbështetja e SHBA-së do të jetë përcaktuese.” – shkruan Hamza.
Po ashtu Hamza u shpreh se është më se i bindur se në Amerikë i kemi shtyllat kryesore të përkrahjes dhe mbrojtjes.
Postimi i plotë i Hamzës:
