Kryeministri i vendit, Albin Kurti, në konferencën e mbajtur për media pas sulmit në Ibër-Lepenc, ka hedhur akuza në drejtim të mediave për keqinformim dhe luftë-hibride.Këto akuza kanë vazhduar edhe nga eksponentë të tjerë të pushtetit, konkretisht ditën e djeshme nga Kryeshefi i Ibër-Lepenc, Faruk Mujka.
Në lidhje me këto akuza ka folur për “Gazeta Blic” gazetari, Berat Buzhala.Buzhala tha se sulmi ndaj mediave nga kryeministri erdhi si një lloj mllefi ndaj disa mediave dhe gazetarëve që kanë raportuar kohëve të fundit për skandalet e Qeverisë.
“Kryeministri Kurti ishte i fundit prej njerzve të Lëvizjes Vetëvendosje që tani e sa kohë I janë ‘turrur’ mediave. Ajo çfarë ai i sulmoi mediat atë natë ishte pretekst dhe një lloj mllefi që e ka pushteti ndaj disa mediave dhe gazetarëve që kanë raportu kohëve të fundit për lloj-lloj skandalesh të Qeverisë. Ai vendosi me ba një ndërlidhshmëri në natën kritike, ‘gjasme më të rëndësishme sa I përket sulmeve terroriste ndaj vendit tonë’ edhe i futi në kontekst aty tek sulmet e Serbisë me ba një lidhshmëri, kinse mediat e Kosovës edhe Serbia kanë agjenda pak a shumë të njëjta. Por burimi i mllefit të Kurtit ishte tek bisedat e Radojiçit me Mimozën tek tekstet shkollore tek Martin Berisha, mafia energjitike, Dejona Mihali. Pra të gjitha këto, ai e priti një moment,….’Ja mediat tona’. Ne s’kishim asnjë lidhje, bile media më profesioniste se në Kosovë nuk mundesh me pas askund në rajon. Raportimet atë natë ishin profesionale, mirëpo Kurti deshi me ia dhënë një goditje fatale kinse mediat e Kosovës edhe Serbia janë të ndërlidhura me agjenda por unë mendon që I ka dështu strategjia Kurtit që me I goditë mediat dhe me pas një lloj linçimi të mediave. Eshtë gjë e ndyrë prej Kryeministrit me ba këtë gjë, dhe nuk është në mandatin e tij me ba këtë komentim” tha Buzhala për “Gazeta Blic”.Buzha foli edhe në lidhje me deklaratën e fundit të Kryeshefit ekzekutiv të Ibër-Lepencit, ku sulmon një gazetare kosovare dhe mediumin ku ajo bën pjesë e krahason me mediat e Rusisë.
“Ai zyrtari, Faruk Mujka, asnjëherë nuk është përgjigj. Ka dokumente për Faruk Mujkën që ka qenë pjestarë I parties së bashkëshortes së Millosheviçiq, gjithandej janë ato dokumente që tregojnë se partia ‘Jul’ ka qenë e përbërë prej figurave më të urryera në Ballkan që janë grumbulluar rreth Mira Markoviq. Mimoza Koprani është një kolege e mire e vlerësoj moderimin që e ban. Paramendo po sulmohet kompania ‘Koha’ që prej krejt spektrit medial është pak më miqësore me Qeverinë , edhe ajo po ju pengon. Kurti e ka thënë disa here ‘se asgjë nuk i bjen taman’, i fton qytetarët me lexu komunikatat e Policisë për të vërtetën” tha Buzhala në intervistë.
