Kryetari i Partisë Socialdemokrate të Kosovës, Dardan Molliqaj ka kritikuar partitë opozitare për qasjen në negociatat për çështjen e presidentit.
Ai ka thënë se opozita i ka dhënë të drejtë Kurtit.
Molliqaj në emisionin “Këndi i Debatit” në Tëvë1 ka thënë se qasja e opozitës ka qenë gabim karshi Qeverisë Kurti dhe ia kanë mundësuar që ai të ngritët.
“Në këtë formë si kanë negociuar me Kurtin i kanë dhënë të drejt Kurtit. Ne ju thamë mos hyni ne neogicata, këta thanë se duhet, sepse nëse nuk hyjmë na mbetet faji neve, në rregull. Dhe dolën të dy partitë në të njëjtën ditë, thanë i mbyllim negociatat, 7 ditë para afatit, gjithmonë presidenti është zgjedhur dhe negociata në ditën e fundit. Qasja e opozitës Albin Kurtin në trajektoren e kanë qit në pikën më të naltë historike të tij. Nuk është se qasja e opozitës është duke e zvogëluar pushtetin, zvogëluar krizat, përkundrazi, krizat janë më të mëdha, pushteti është më i madh”, ka thënë Molliqaj.
Ai ka thënë partitë opozitare nuk është që nuk kanë dashur të bashkëpunojnë me Kurtin, por siç është shprehur ai, Kurti nuk u ka ofruar aq sa ata kanë dashur.
“Për mua kanë shpërfaqë se në thelb nuk është puna që këta nuk po duan me Albin Kurtin, puna është që Kurti nuk po ju jep aq sa këta po duan. Bedri Hamza dhe Lumir Abdixhiku thanë, faleminderit çka na ka ofruar, por ne mënojmë që vlejmë më shumë”, ka thënë kryetari i PSD-së.
Ai ka thënë se opozita ka hyrë në negociata me Kurtin duke llogaritur në Vjosa Osmanin që mund t’i marrë elektorat LVV-së.
“Shpresa që opozita ka hyrë në këtë lojë ka qenë të Vjosa Osmani. Po mos të ekzistonte Osmani si problem, këta nuk do të hynin në këtë valle. Këta kanë llogaritë të Vjosa Osmani”, ka thënë Molliqaj.
