FC Vushtrria e kishte nisur me shumë pompozitet edicionin 2024/25, pasi që kishte siguruar sponsor gjeneral të fuqishëm, por që në fund kishte dështuar të inkuadrohet në Supër Ligën e Kosovës në futboll, duke mbetur në Ligën e Parë edhe për edicionin 2025/26.
Një sinjalizues i Veriu.info brenda FC Vushtrria ka dërguar në redaksi qarkullimin bankar të klubit nga qershori 2024 deri maj 2025, ku shihet se drejtuesit e klubit kanë pasur paga të ‘majme’, por që në fund të edicionit këto paga nuk kanë dhënë rezultat për inkuadrimin në Super Ligë të klubit vushtrrias.
Në dokumentet e siguruara nga Veriu.info, shihet se kryetari i klubit të futbollist FC Vushtrria, Shemsi Rrahimi ka një pagë të majme prej 1500 euro.
Edhe përkundër vështirëve që klubi është përballur në pranverë me vonesë të pagave të lojtarë deri në tre muaj, kjo nuk e ka penguar menaxhmentin e klubit të jep mijëra euro edhe për persona që nuk janë pjesë e klubit.
Veriu.info ka gjetur se paga e kryetarit të klubit nuk ishte e vetmja e hyrë për familjen e tij. Kjo pasi që nga klubi i futbollit është paga edhe vajza e tij Sara Rrahimi.
Më 21 nëntor 2024 nga xhirollogaria e FC Vushtrria janë transferuar 2 mijë euro në xhirollogarinë e Sara Rrahimi, vajzës së kryetarit, në emër të shërbimeve ndaj klubit.
Ndryshe, Veriu.info në tetor 2024 kishte raportuar për zgjedhjen e Shemsi Rrahimit në krye të klubit, ani pse ai nuk kishte ndonjë eksperiencë profesionale në futboll, por e kaluara e tij lidhej me sponsorin gjeneral të klubit, Shaip Mikullovci, punëtor i të cilit kishte qenë parakrakisht Shemsi Rrahimi.
Përveç në “Emona Group”, Shemsi Rrahimi kishte punuar për shumë vite paraprakisht edhe në Bashkësinë Islame të Kosovës, pasi që ishte kryetar i degës së saj në Vushtrri./Veriu.info
