Vetura luksoze, qindra mijëra euro kesh, armë me dylbi e qese të tëra me dokumente financiare janë sekuestruar gjatë aksionit të madh të Prokurorisë Speciale të Kosovës, ku u prangosën nëntë persona të dyshuar për kontrabandë me derivate e shpëlarje parash.
Dyshimet e Gjykatës mbështeten mbi përgjime që zbuluan se si të dyshuarit modifikonin cisternat të cilat disa mbusheshin me naftë e të tjerat me ujë natyral, me qëllim që t’u shmangeshin detyrimeve doganore.
Pjesë e këtij aksioni të madh ku u bastisen dhjetra lokacione ishte edhe hoteli “Premium” i Korab Visokës.
Sipas dosjes që ka siguruar Gazeta Insajderi, gjatë bastisjes në hotel dhe shtëpinë e tij janë sekuestruar fishekë pistoletë dhe qese me dokumente
Në dokument thuhet se janë sekuestruar: Një kuti me 47 fishekë të pistoletës (mbishkrimi PPU 32 AUTO) dhe 6 fishekë të tjerë pistoletë. Një laptop Asus dhe një shtëpizë kompjuteri DELL. Shtatë qese plastike të zeza me dokumente të ndryshme, katër qese të tjera po ashtu me dokumente, si dhe foldera e notesa me shënime dore.
Çfarë dihet deri me tani?
Gjykata e Prishtinës më 03.07.2026 iu caktoi nga një muaj paraburgim nëntë të dyshuarve për kontrabandë më naftë, të cilët u arrestuan gjatë aksionit të Prokurorisë Speciale të Kosovës më 01.07.2026.
Të dyshuarit në këtë rast janë: Faruk Mazrek, Fariz Mazrek, Skender Kelmendi, Nisret Bajraktari, Dashnim Miftari, Adem Morina, Muhamet Mazrek, Naser Morina dhe Gazmend Quni i njohur me nofkën “Haxhi” dhe “Haxhi baba”.
Gjykata e Prishtinës më 03.07.2026 iu caktoi nga një muaj paraburgim nëntë të dyshuarve për kontrabandë më naftë, të cilët u arrestuan gjatë aksionit të Prokurorisë Speciale të Kosovës më 01.07.2026.
Të dyshuarit në këtë rast janë: Faruk Mazrek, Fariz Mazrek, Skender Kelmendi, Nisret Bajraktari, Dashnim Miftari, Adem Morina, Muhamet Mazrek, Naser Morina dhe Gazmend Quni i njohur me nofkën “Haxhi” dhe “Haxhi baba”.
Në vendimin e gjykatës, thuhet se ekziston dyshimi i arsyeshëm se të pandehurit kanë vepruar si grup kriminal dhe kanë kryer veprat penale si: “Shperlarja e parave”, “Kontrabandimi i mallrave në bashkëkryerje”, “Pjesëmarrja ose organizimi i grupit kriminal të organizuar”, “Mbajtja në pronësi, kontroll ose posedim të paautorizuar të armëve” dhe “Falsifikim i parasë”.
