Gazetari Arben Ahmeti ka raportuar sonte live në emision në Kanal10, se dy dorëheqje të mëdha kanë ndodhur brenda LDK-së, transmeton Veriu.info.
“Brenda LDK-së ka zhvillime të furishme, është Kujtim Shala dhe Gazmend Muhaxheri që kanë dhënë dorëheqje. Janë totalisht të pakënaqur me mënyrën se si ka vepruar Abdixhiku në raport me Kryesinë e re. Të njëjtit po kërkojnë nënshkrime që të mblidhet Kuvendi i jashtëzakonshëm, i cili do të pretendonte ta shkarkonte Abdixhikun dhe ta bënte kryetar Përparim Ramën“, ka thënë Ahmeti.
Ai nuk ka bërë të ditur se këto dorëheqje a janë vetëm nga Kryesia, struktura apo janë larguar krejtësisht nga partia./Veriu.info
