Edhe një skandal: “Viva Fresh” e Xhevdet Rexhepit kapet duke mashtruar me çmime, produktet shiten 39% më shtrenjtë në arkë se sa në raft

Ankesat për mashtrime me çmime në marketet e Kosovës po shtohen, duke ngritur dyshime serioze për transparencën në treg. Diferencat mes çmimit në raft dhe atij në arkë po i dëmtojnë drejtpërdrejt konsumatorët.

Veriu.info ka siguruar një vendim të Inspektoratit Qendror të Mbikëqyrjes së Tregut, me të cilin është gjobitur me 1 mijë e 500 euro kompania Viva Fresh Sh.P.K. për shitje në arkë të produktit me çmim më të lartë se sa çmimi që ishte vendosur në raft.

Në vendimin e IQMT-së të siguruar nga Veriu.info , bëhet e ditur se pas një ankese të marrë nga një konsumator më 3 mars 2026 kanë inspektuar një pikë të kësaj kompanie në Gjakovë, ku është konstatuar se ankesa e konsumatorit ishte e drejt.

”Në produktet lodër ,,Kamion + Veturë -+ Helikopter çmimi në raft te produkti ka qenë 12.90 €, ndërsa çmimi përfundimtar për pagesë te arka fiskale kalonte 19.90 € me ulje prej 10% dhe për pagesën përfundimtare 17.91 €”, thuhet në arsyetim të vendimit të inspektorëve të Ministrisë së Tregtisë me të cilin është gjobitur kompania Viva Fresh Sh.P.K.

Pra, çmimi në arkë ishte 39% më i lartë se sa çmimi në raft. Në vendim thuhet se ky veprim i Viva Fresh është në kundërshtim me Ligjin për Mbrojtjen e Konsumatorit.

Ndryshe, pronar dhe drejtues i kompanisë “Viva Fresh” Sh.P.K., në kuadër të së cilës funksionon rrjeti i marketeve “Viva Fresh Store”, është Xhevdet Rexhepi, i cili zotëron 100% të aksioneve të kompanisë.

Veriu.info edhe javën e kaluar kishte raportuar për një rast të ngjashëm, ku kjo kompani ishte gjobitur për shitje të produkteve në arkë me çmim më të lartë se sa çmimi në raft.

LEXONI EDHE:

Shteti e zbulon kompaninë “Viva Fresh” duke i mashtruar konsumatorët me çmime, gjobitet simbolikisht (Dokument)

Skandal me të dhënat personale: “Viva Fresh” e Xhevdet Rexhepit u kap duke u marrë klientëve letërnjoftimet peng për karroca (Dokument)

Veriu.info fiton ndaj Viva Freshit edhe në Apel – Gjykata refuzon në tërësi ankesën e Viva Fresh, vërtetohet se gazeta nuk shpifi e as fyu (DOKUMENT)

Deklarohet Inspektorati i Punës për mbylljen e Viva Fresh-it në Vushtrri pas raportimit të Veriu.info

Inspektorati i Punës mbyll Viva Fresh Store në Vushtrri, mungesë e kushteve elementare për punëtorë

Qytetari bleu kos në Viva Fresh në Shupkovc të Mitrovicës, i del i mykur (Foto)

“Viva Fresh” e pasigurtë për punëtoret, u vjedhen para nga çantat personale në zhveshtore

14-vjeçari rrahet keq nga sigurimi i “Viva Fresh” në Fushë Kosovë – arrestohet 60-vjeçari

Pronari i “Viva Fresh Store” në arrati? Nga rrjeti i super-markteve deklarohen për herë të parë