Para disa ditësh, Ministri i Financave Hekuran Murati gjatë raportimit të tij në Komisionin për Buxhet, u kishte propozuar anëtarëve të këtij komisioni që secilit tatimpagues në vend t’iu falen 100 eurot e para të tatimit të tyre në pronë.
“Si ministër do të sugjeroj të gjitha komunat, meqenëse jemi në gjendje krize, po pajtohemi të gjithë, me vështirësitë e inflacionit, pra duhet t’i mbështesim le t’ua falim 100 eurot e para secilit tatim pagues të tatimit në pronë. A e mbështesni? A jeni që të falen 100 eurot e para për secilin tatim pagues për pronë. Kjo nënkupton nëse merren 15 mijë euro që janë të liruara sipas ligjit për banimin primar rezidencial nënkupton përafërsisht diku 70 mijë euro vlerë shtesë, pra nëse e marrim pragun 0.15 për qind. Nënkupton që për secilin qytetarë 90 mijë eurot e para do të ishin pa tatim sivjet”, ka thënë Murati.
Në lidhje me këtë propozim të Muratit, Komunat kërkuan një interpretim ligjor nga MFPT rreth asaj që a kanë të drejtë komunat të falin tatimin në pronë. Përgjigjja e Ministrisë së Financave, Punës dhe Transfereve (MFPT) konfirmon të drejtën e komunave që nuk kanë kompetencë për faljen e tatimit në pronë, ka shkruar në faqën në Facebook Asociacioni i Komunave të Kosovës, shkruan GazetaBlic.
“Kjo është vërtetuar edhe në përgjigjen që MFTP dhe në kërkesën e kryetarit të komunës së Drenasit, z.Ramiz Lladrovci i cili para pak ditësh kërkoi interpretim ligjor nga MFPT rreth asaj që a kanë të drejtë komunat të falin tatimin në pronë”, thuhet në njoftimin e AKK-së.
Postimi i plotë:
MINISTRIA E FINACAVE, PUNËS DHE TRANSEFEREREVE KONFIRMON; KOMUNAT NUK KANË KOMPENTENCË LIGJORE TË FALIN TATIMIN NË PRONË
Ministria e Financave, Punës dhe Transfereve (MFPT) konfirmon të drejtën e komunave që nuk kanë kompetencë për faljen e tatimit në pronë.
Kjo është vërtetuar edhe në përgjigjen që MFTP dhe në kërkesën e kryetarit të komunës së Drenasit, z.Ramiz Lladrovci i cili para pak ditësh kërkoi interpretim ligjor nga MFPT rreth asaj që a kanë të drejtë komunat të falin tatimin në pronë.
Përgjigjja është e bashkangjitur
