Forca e Sigurisë së Kosovës ka njoftuar qytetarët e Komunës së Gjilanit e më gjerë, se më 17–19 prill 2026 dhe 24–26 prill 2026, kadetët e FSK-së do të zhvillojnë ushtrime ushtarake vlerësuese, në përputhje me planprogramin e tyre trajnimor.
“FSK-ja njofton se trajnimi do të mbahet në zonën e Bukovikut, Komuna e Gjilanit, pasi kjo zonë është e përshtatshme për realizimin e aktiviteteve të planifikuara dhe për vlerësimin praktik të kadetëve”, u tha në njoftimin e Komunës së Gjilanit.
Nga qytetarët u kërkua të kenë kujdes gjatë ditëve kur do të zhvillohen ushtrimet dhe mos të kenë panik.
