Në tregun modern, garancia paraqitet si një premtim për mbrojtjen e konsumatorit nga defektet. Por në praktikë, shpesh ndodh që kompanitë të heshtin përballë ankesave, duke i lënë qytetarët pa përgjigje edhe brenda afatit të garancionit. Një rast i tillë ka ndodhur edhe në “Neptun Kosova”, ku kjo kompani nuk i është përgjigjur konsumatorit për defektin e produktit të ndodhur brenda afatit të garacionit.
Veriu.info ka siguruar një vendim të Inspektoratit Qendror të Mbikëqyrjes së Tregut me të cilin kompania “Neptun Kosova” Sh.P.K. është gjobitur me 1 mijë euro, pasi që është zbuluar se ka shkelur Ligjin për Kërkesat Teknike të Produkteve dhe Vlerësim të Konformitetit.
Shkelja e “Neptun Kosova” ka të bëjë me faktin se kjo kompani është zbuluar nga inspektorët e IQMT-së se nuk ka vendosur udhëzimet e përdorimit të produktit në gjuhë zyrtare.
Deri te inspektimi i “Neptun Kosova” ka ardhur për shkak të një ankese të një konsumatori, se me pretendimin se kjo kompani nuk po i përgjigjet për garacionin 24 mujor të dhënë për produktin
.
“Bazuar në ankesën e konsumatorit, vizitë inspektuese të operatori ekonomik me ç’rast konstatojmë se konsumatori ka blerë produktin Tharse per floke Dyson Supersonic HD07 Black/Nickel me datë 29/09/2025, afati i garancisë 24 muaj. Me datë 05/03/2026 ka bërë ankesë se i është shfaqur defekti në produktin tharse për flokë me pretendimin se personi përgjegjës nuk i ashte përgjigjur konsumatoril konform kushteve te garancionit”, thuhet në vendim e AIP për “Neptun Kosova”.
Tutje, në vendi bëhet e ditur se inspektorët e AIP kanë obliguar personin përgjegjës të “Neptun Kosova” që në afat prej 5 ditësh t’i përgjigjet konsumatorit konform kushteve të garancionit, si dhe të prezantoj një raport në IQMT-MINT lidhur me rastin ne falë.
Inspektorët e AIP në vendim bëjnë të ditur se gjatë inspektimit të produktit Tharse për flokë Dyson Supersonic HD07 Black/Nickel është konstatuar se “Neptun Kosova” nuk e ka vendosur udhëzimet, manualin e përdorimit (informacionet) në gjuhën zyrtare në produktin e ofruar për konsumatorë.
Ndryshe, pronarë të “Neptun Kosova” janë grupi Balfin i Samir Mane me 60% të aksioneve, përderisa Arsim dhe Ilir Papraniku zotërojnë nga 20% të aksioneve të kompanisë.
Veriu.info ka tentuar të marrë një qëndrim nga “Neptun Kosova” Sh.P.K. për këtë vendim të AIP, por deri në momentin e publikimit të artikullit nuk ka pranuar përgjigje për pyetjet e dërguara.
