Në mbledhjen e rregullt të mbajtur dje (e enjte), Këshilli i Mediave të Shkruara të Kosovës nuk e ka miratuar (e ka hedhur poshtë) ankesën e Pirro Pirajt, drejtor operacional në kompaninë “Meka”, kundër Veriu.info për shkrimet me tituj “Skandal: Kompanisë Meka që promovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella (Video)” dhe “Profesori Latifi pas skandalit të ‘Meka Food’: Pasi ua kanë helmu mendjen, tash ua helmojnë edhe trupin tuaj e të fëmijëve tuaj”, duke konstatuar se nuk është shkelur Kapitulli II i Kodit të Mediave të Shkruara të Kosovës, i cili ka të bëjë me raportimin e së vërtetës, ashtu siç pretendon pala ankuese.
KMShK përmes një komunikate për media ka bërë te ditur se ka konstatuar se shkrimet e Veriu.info për këtë rast të kompanisë “Meka” Sh.P.K. me pronar Burim Piraj dhe raportimi i deklarimit të profesor Blerim Latifi ishin profesional, të bazuar në dokumente zyrtare dhe nuk kishte shpifje, por ishte raportuar e vërteta, duke marrë vendim për hudhjen poshtë të ankesës.
Kjo ankesë e Pirro Pirajt, drejtor operacional “Meka” Sh.P.K. me pronar Burim Piraj ishte bërë pas publikimit të artikujve me tituj “SKANDAL: Kompanisë Meka që promovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella” dhe “Profesori Latifi pas skandalit të ‘Meka Food’: Pasi ua kanë helmu mendjen, tash ua helmojnë edhe trupin tuaj e të fëmijëve tuaj” nga Veriu.info në fund të muaj qershor, ku raportohej në detaje se si kësaj kompanie i ishte kapur mish pule me një bakter të rrezikshëm për shëndetin e njeriut të ardhur nga Rumania, si dhe raportohej deklarata e profesorit Blerim Latifi për këtë rast ku kishte dhënë deklaratën e shkruar si citat në titull dhe brenda tekstit.
Këta artikuj ishin publikuar në kuadër të hulumtimit të Veriu.info për kompanitë që kanë futur ose tentuar të fusin produkte ushqimore në tregun e Kosovës me përbërës të rrezikshëm, si dhe pastaj deklarata e profesorit e cila ishte transmetuar saktësisht ashtu siç ishte thënë.
Ankuesi, Pirro Piraj, pretendonte se shkrimet kishin qenë tendencioze dhe sulm i ashpër dhe i padrejtë ndaj kompanisë dhe drejtorit të saj, duke i quajtur raportimet krejtësisht të pavërteta.
KMSHK ka hedhur poshtë ankesën e tij, duke konstatuar se nuk është shkelur Kapitulli II i Kodit të Mediave të Shkruara të Kosovës, i cili ka të bëjë me raportimin e së vërtetës, ashtu siç pretendon pala ankuese.
Me rastin e publikimit të artikullit Veriu.info kishte publikuar edhe dokumente zyrtare të Agjencisë së Ushqimit dhe Veterinarisë, ku dëshmohej se mishi ishte inpektuar në deponë e kompanisë “Meka” Sh.P.K. dhe pasi që ishte konstatuar se ishte i infektuar me bakterinë e rrezikshëm ‘salmonella’, AUV kishte nxjerrë vendim me të cilin e urdhëronte kompaninë të bëntë asgjësimin e mishit ose ta kthente në vendin e origjinës, me ç’rast kompania e kishte kthyer në vendin e origjinës.
Kurse për artikullin “Profesori Latifi pas skandalit të ‘Meka Food’: Pasi ua kanë helmu mendjen, tash ua helmojnë edhe trupin tuaj e të fëmijëve tuaj”, Veriu.info kishte transmetuar saktësisht deklarimin e tij në një status në rrjetin social Facebook.
Më poshtë gjeni dy artikujt e publikuar përë këtë skandal në fund të muajin qershor 2025:
