Juventusi nuk pritet të ketë asnjë lojtar italian në formacionin e tij titullar në repartin e fushës në ndeshjen e ardhshme të Serie A kundër Sassuolos.

Siç raporton “Gazzetta”, lojtari i vetëm i “Azzurrëve” që pritet të jetë pjesë e formacionit të “Zonjës së Vjetër” në “Mapei Stadium” fundjavën e ardhshme është Guglielmo Vicario, i huazuar nga Tottenhami.

Juventusi aktualisht ka nëntë lojtarë jashtë për shkak të mungesave, përfshirë italianët Andrea Cambiaso, Jeff Ekhator dhe Manuel Locatelli.

Mbrojtësit qendrorë Federico Gatti dhe Daniele Rugani me shumë gjasë do ta nisin ndeshjen ndaj Sassuolos nga banka rezervë, dhe e njëjta gjë vlen edhe për mesfushorin qendror 21-vjeçar Augusto Owusu, i cili është promovuar nga skuadra NextGen për t’i shtuar alternativat në mesfushë ekipit të parë.

Edicioni i sotëm i “Gazzetta” thekson se historia e Juventusit ka qenë e mbushur me lojtarë të mëdhenj italianë, të cilët gjithashtu e kanë ndihmuar klubin dhe kombëtaren të sigurojnë fitore të paharrueshme, përfshirë Kupën e Botës 2006 dhe Euro 2020.

Për më tepër, kur Juventusi fitoi Scudetton e parë në epokën pas Calciopolit nën drejtimin e Antonio Contes, “Bianconerët” kishin tetë lojtarë italianë në formacionin e tyre, por kjo ka ndryshuar ndjeshëm në vitet e fundit