Nezir Kraku nga Lëvizja Vetëvendosje ka reaguar përmes një postimi në Facebook lidhur me situatën me furnizimin me energji elektrike në Kosovë.
Kraku ka kritikuar faktin që, pavarësisht blerjes së energjisë elektrike nga Serbia, qytetarët sërish janë përballur me mungesë të rrymës.
Ai e ka cilësuar këtë situatë si dyfish dështim dhe ka ngritur çështjen e përgjegjësisë morale në politikën kosovare.
“Dmth paskemi ble rrymë nga Serbia dhe prapë kemi mbete pa rrymë. Dy herë dështim. Dy herë gabim”, ka shkruar Kraku.
Më tej, ai ka shtruar pyetjen nëse ka ardhur koha që politikanët në Kosovë të mësohen me konceptin e përgjegjësisë morale, duke kritikuar mungesën e marrjes së përgjegjësisë për dështimet në vend.
“Sepse asnjë fajtor, asnjë përgjegjës pavarësisht çka ndodhë në këtë vend, seriozisht nuk shkon”, ka përfunduar ai reagimin e tij.















