Ish-pjesëtari i UÇK-së dhe ish-nënkryetari i OVL UÇK-së, Nasim Haradinaj ka rrëfyer rreth momentit të takimeve të tij me Hashim Thaçin, Kadri Veselin, Jakup Krasniqin dhe Rexhep Selimin gjatë kohës që ndodhej në burgun e Hagës.
Ai ka treguar se këto kontakte ishin të kufizuara dhe ndodhnin kryesisht kur ish-udhëheqësit e UÇK-së dilnin në shëtitje. Përmes një dritareje, Haradinaj dhe të tjerët qëndronin për t’i parë dhe për t’i inkurajuar me këngë patriotike.
“Kur dolëm me shëtit, ne e kishim një dritare, e vetmja shans për me i pa ka qenë kur shëtitshin me na pa këta neve. Kur na kqyrshin ata, na knojshim këngë të UÇK-së, me ju dhanë këtyne zemër, e na thojshin mos folni. Atë ditë e kemi ditë që janë arrestu, jemi kon shumë të shqetësum. Sidomos Hashimi kur dha dorëheqje. Mendoj që qajo u kon dita që na jemi ndje ma së keqti. Besoj që janë ndje edhe populli, mendoj ky popull që din me vlerësu këto.” – tha Haradinaj në emisionin “Frontal” në T7.
