Ish deputetja e LDK-së, Rrezarta Krasniqi ka reaguar pas takimit Kurti dhe Abdixhiku, si dhe ofertës që kryeministri Kurti i bëri Abdixhikut e që u refuzua nga ky i fundit, transmeton Gazeta Online Veriu.info.
“Katër ministri dhe një karrige zëvendëskryeministri si çmim për heshtje ndaj kapjes së Presidencës?, Llogaritje e gabuar, Pushteti nuk blihet me poste, e aq më pak heshtja ndaj degradimit të institucioneve”, ka shkruar Krasniqi në reagimin e saj.
Tutje Krasniqi ka thënë se Lidhja Demokratike e Kosovës nuk është ndërtuar mbi pazare por mbi parime.
Postimi i plotë:
Katër ministri dhe një karrige zëvendëskryeministri si çmim për heshtje ndaj kapjes së Presidencës?
Llogaritje e gabuar. Pushteti nuk blihet me poste, e aq më pak heshtja ndaj degradimit të institucioneve.
LDK nuk është ndërtuar mbi pazare, por mbi parime. Dhe kur rrezikohet rendi institucional, përgjigjja jonë nuk është kompromisi, është qëndrimi konsistent për institucione kushtetuese.
Shteti nuk fuqizohet me pazare ditore.
