Deputetja Ganimete Musliu ka falënderuar të gjithë anëtarët dhe aktivistët që morën pjesë në tubimin e djeshëm të PDK-së në Skenderaj.
Ajo tha se ky tubim, edhe një herë dëshmoi se Drenica gjithmonë ka ditur të pozicionohet në anën e duhur të historisë.
“Ky vend i larë në lavdi as nuk shitet, as nuk nënshtrohet. Në këtë vend gjithmonë janë ndezë shkëndijat e çlirimit dhe të krenarisë. Andaj, dëshiroj të shpreh falënderimet e mia më të sinqerta për të gjithë organizatorët dhe aktivistët që u angazhuan për të realizuar tubimin e Partisë Demokratike të Kosovës në Skenderaj”, shkroi ajo.
Tutje, Musliu shtoi se Partia Demokratike është “kauza jonë e përbashkët, identitet dhe krenari”.
Postimi i plotë:
F A L E M I N D E R I T!
Të nderuar anëtare e anëtarë, aktiviste e aktivistë takimi ynë dje në SKENDERAJ edhe njëherë dëshmoj se Drenica gjithmonë ka ditë të pozicionohet në anën e duhur të historisë.
Ky vend i larë në lavdi as nuk shitet, as nuk nënshtrohet. Në këtë vend gjithmonë janë ndezë shkëndijat e çlirimit dhe të krenarisë.
Andaj dëshiroj të shpreh falënderimet e mia më të sinqerta për të gjithë organizatorët dhe aktivistët që u angazhuan për të realizuar tubimin e Partisë Demokratike të Kosovës në Skenderaj.
Puna dhe angazhimi juaj janë të pamohueshme dhe arsyeja kryesore e ngritjes së moralit elektoral anëembanë Kosovës dhe në të gjitha vendet ku jetojnë shqiptarët.
Aktivizmi dhe angazhimi juaj janë çelësi i suksesit të çdo lëvizjeje politike dhe ju falenderoj për mundin dhe vullnetin tuaj të palodhur për t’u angazhuar për një të ardhme më të mirë për Kosovën.
Sukseset e këtij tubimi janë mesazhi më i mirë që Partia Demokratike e Kosovës është më shumë se parti politike. Partia Demokratike është kauza jonë e përbashkët, identitet dhe krenari.
Vazhdoni të jeni burimi i frymëzimit dhe energjisë për të gjithë ne!
Faleminderit edhe një herë për gjithçka që bëni që përmes Partisë Demokratike të Kosovës tia ktheni dinjitetin Kosovës!
