Arben Mustafa nga Partia Demokratike e Kosovës ka reaguar ashpër pas një postimi të ministrit në detyrë të Financave, Hekuran Murati ku ky I fundit përmendi rritjen e pagave në sektorin privat, në vitin 2024 për 83 euro më shumë sesa viti paraprak.
Mustafa tha se ky reagim i Muratit është edhe manipulativ dhe hipokrit.
“Manipulativ, sepse flet për paga pa e marrë parasysh inflacionin. Fuqia blerëse e një page të sektorit privat sot nuk është hiq më e lartë sesa që ishte në 2019, madje ka shënuar rënie.
Hipokrit, sepse pikërisht kjo qeveri nuk ka lënë gjë pa bë për ta luftuar sektorin privat, së fundi duke i çuar edhe drejt falimentimit për shkak të shtrejtimit të energjisë elektrike”, ka shkruar Mustafa.
Postimi i plotë:
Ish Ministri i qeverisë që do të mbahet mend për shkatërrimin e sektorit privat të Kosovës, Hekuran Murati, paska folur për rritje të pagave në këtë sektor, madje në mënyrë qesharake duke pretenduar edhe merita.
Ky reagim i tij është edhe manipulativ edhe hipokrit.
Manipulativ, sepse flet për paga pa e marrë parasysh inflacionin. Fuqia blerëse e një page të sektorit privat sot nuk është hiq më e lartë sesa që ishte në 2019, madje ka shënuar rënie.
Hipokrit, sepse pikërisht kjo qeveri nuk ka lënë gjë pa bë për ta luftuar sektorin privat, së fundi duke i çuar edhe drejt falimentimit për shkak të shtrejtimit të energjisë elektrike.
