Pritjet ishin që dorëheqjen e Liburn Aliut nga pozita e ministrit ta ‘vajtonin’ anëtarët e Lëvizjes Vetëvendosje, që janë bashkërrugëtarë politik tash e shumë vite me Aliun.
Por si zakonshëm në Kosovë tashmë, befasia erdhi nga dikush që as nuk e prisnim.
Është Përparim Rama, kryetar i Prishtinës, që ka ‘vajtuar’ dorëheqjen e Liburn Aliut nga pozita e ministrit duke e quajtur këtë dorëheqje si humbje e madhe jo vetëm për institucionet, por për të gjithë ata që besojnë tek puna dhe idealet e larta të shërbimit publik, raporton Gazeta Online Veriu.info.
Ai nuk ka hezituar ta falënderoj për bashkëpunimin e shkëlqyer dhe korrektësinë që tregoi sië thotë Rama gjatë gjithë kohës sa ishte Ministër i Infrastrukturës në raport me të si Kryetar i Kryeqytetit.
Postimi i plotë:
Dua ti shpreh mirënjohjen time më të thellë Liburn Aliut, për bashkëpunimin e shkëlqyer dhe korrektësinë që tregoi gjatë gjithë kohës sa ishte Ministër i Infrastrukturës në raport me mua si Kryetar i Kryeqytetit.
Largimi i tij nga institucioni nuk është vetëm një humbje për institucionet, por për të gjithë ne që besojmë tek puna dhe idealet e larta të shërbimit publik.
I uroj suksese në çdo hap të ri dhe e falënderoj nga zemra për kontributin e tij të çmuar në zhvillimin e Kryeqytetit dhe në forcimin e unitetit tonë qytetar dhe kombëtar.
