OCM International ka nënshkruar marrëveshje bashkëpunimi me Ariani Company për qiradhënien dhe menaxhimin e një Retail Park të ri në Vushtrri, duke zgjeruar prezencën e saj në tregun e pasurive të paluajtshme komerciale në Kosovë.
Ky partneritet shkon përtej zhvillimit të një projekti të vetëm. Ai reflekton filozofinë e OCM International se potenciali i investimeve komerciale nuk kufizohet vetëm në kryeqytete apo qendra të mëdha urbane, por shtrihet edhe në tregje me karakteristika të ndryshme demografike dhe zona të ndikimit tregtar, të cilat ofrojnë mundësi të konsiderueshme zhvillimi.
Përmes ekspertizës në leasing, zhvillim strategjik dhe menaxhim të aseteve komerciale, OCM International synon të shndërrojë potencialin e këtyre lokacioneve në projekte të qëndrueshme, duke krijuar sinergji me zhvillues si Ariani Company dhe duke maksimizuar vlerën e investimeve.
Arian Imeri, Pronar & Drejtor Ekzekutiv i Ariani Retail Park, theksoi rëndësinë e këtij bashkëpunimi:
“Besoj se investimet më të suksesshme janë ato që nuk krijojnë vetëm vlerë ekonomike, por transformojnë mënyrën se si një rajon zhvillohet. Ambicia jonë është të ndërtojmë një destinacion që krijon mundësi të reja, tërheq brende të fuqishme dhe vendos standarde të reja në sektorin tregtar. Partneriteti me OCM International është një hap strategjik drejt këtij vizioni afatgjatë.”
Ndërsa Mauro Abruzzese, Partner, CEO & Managing Director i OCM International theksoi:
“E ardhmja e retail real estate nuk përcaktohet vetëm nga madhësia e tregut apo pozicioni gjeografik, por nga aftësia për të identifikuar dhe zhvilluar potencialin e çdo lokacioni. Në OCM International, ne sjellim të njëjtin nivel ekspertize dhe standardesh ndërkombëtare si në qendrat kryesore urbane, ashtu edhe në tregjet rajonale me perspektivë zhvillimi. Partneriteti me Ariani Company përfaqëson pikërisht këtë vizion: të transformojmë asetet komerciale në superfuqi të investimeve, punësimit dhe zhvillimit ekonomik e social.”













