Agjencia kundër Korrupsionit ka nisur me publikimin e regjistrave të deklarimit të pasurisë për zyrtarët e lartë publik për vitin 2023, shkruan Veriu.info.
Kësisoj, në bazë të dokumentit të AKK-së shihet pasuria e kryeministrit, Albin Kurtit, presidentes Vjosa Osmani dhe kryekuvendarit, Glauk Konjufca.
Sipas dokumentit të publikuar nga AKK, është bërë e ditur se kryeministri, Albin Kurti në vitin 2018 përmes marrjes së kredisë bankare kishte blerë një banesë 67.00 metra-katror, në vlerë prej 400 mijë eurove.
Sipas të njejtit dokument është bërë e ditur se banesa është në pronësi të Kurtit dhe bashkëshortës së tij.
Po ashtu, Kurti ka deklaruar se paguan qira prej 250 euro në muaj.
Presidentja Osmani ka treguar ajo dhe bashkëshorti i saj, Prindon Sadriu kanë Pasuri të Paluajtshme prej 970 mijë e 760 euro.
Këtë vit, ata kanë blerë një “banim në vargë” i cili kap shifrën prej 520 mijë euro dhe është regjistruar në emër të Zotëriut të Parë, Prindon Sadriu.
Nga mënyra se si është deklaruar kjo pronë, Nacionale nuk ka arritur ta kuptojë se ku saktësisht ndodhet.
“Tek pronat e paluajtshme, prona në Marigona Hill dhe toka në Lagja e Gjelbër nuk janë ende në pronësi të deklaruesit e as të bashkëshortit sepse ende nuk janë paguar e as ndërtuar në tërësi,” – ka thënë presidentja e vendit.
Kryeparlamentari Konjufca ka deklaruar një banesë, një depi dhe një parking – si pasuri të paluajtshme.
Të gjitha këto, së bashku kapin vlerën e 67 mijë e 293 euro dhe sipas deklarimit janë blerë me kredi dhe kursime.
Ndërkohë në deklaratë duket edhe pasuria e deklaruar në emër të prindërve të Konjufcës, ku figurojnë dy banesa, një shtëpi dhe tri toka.
VERIU/INFO
