Me rastin e Ditës Ndërkombëtare të të Drejtave të Njeriut, Avokati i Popullit, Naim Qelaj ka mbajtur takim me studentë të Fakultetit Juridik të Universitetit të Prishtinës “Hasan Prishtina”, raporton Ekonomia Online.
Gjatë këtij takim u tha se pavarësisht që Kosova ka ligje të mira që mbrojnë të drejtat dhe liritë e njeriut, ato në praktike nuk është që janë duke gjetur zbatim.
Avokati i Popullit, Naim Qelaj ka thënë se si shtet dhe shoqëri kemi pasur progres në avancim të të drejtave të njeriut.
Ai ka thënë se në vend ka nevojë për përmirësim të ligjeve që mbikëqyrin këto çështje në mënyrë që të gjejnë zbatim.
“Ne kemi pasur një progres të jashtëzakonshëm si shoqëri e si shtet në avancimi e të drejtave dhe lirive të njeriut. Ky avancim nuk ka ardhur lehtë ka ardhur me sakrifica. Ndonjëherë edhe me shumë përkushtim e mund të njerëzve që në idealin e vetë të drejtat e njeriut i kanë pasur si synim dhe kanë arrit që sot ta kemi një Kushtetutë që në veti përmbledh të gjitha parimet dhe vlerat më të larta demokratike në aspektin e të drejtave të njeriut. Por që sa zbatohet këto vlera, sa respektohen këto vlera, ju keni dëgjuar që flitet në Kosovë që ka ligje te mira por ato nuk zbatohen. Mendoj që Kosova ka një ligje të mira por që duhet të përmirësohen sepse për ndryshe do të ishin edhe të zbatuara dhe në anën tjetër do të duhet që të rrite niveli i përgjegjësive institucionale. Çështje me realizmin e të drejtave në punë janë pjesa e dytë e problemeve që ne kemi trajtuar gjatë këtij viti, këto lidhen ne diskriminim në punësim, me diskriminim në avancim, por lidhen edhe me cenim të të drejtave në punë. Pushim i lehonisë, pa kontrata, kushte dhe siguria në punë. Pjesa e tret e problematikave që ne kemi hasur këtë vit ndërlidhen më te drejtat sociale dhe të drejta shëndetësore”, ka thënë ai.
Rektori i Universitetit të Prishtinës “Hasan Prishtina”, Arben Hajrullahu, ka thënë se për këtë çështje përkufizimi më i mire në kulturën shqiptare është thënia “Atë që nuk ja dëshiron vetës, mos ja bëj tjetrit”.
“Kur flasim për të drejtat e njeriut edhe trajtimin human dhe të barabartë atëherë besoj që edhe në kulturën tonë si njerëz i këtij vendi kemi thënie që fort e përshkruajnë këtë thelbin e idesë, të të drejtave të njeriut e që është ‘atë që nuk ja dëshiron vetës mos ja bëj tjetrit”. Me vetë faktin e të lindur t’i si njerëzit t’i gëzon edhe të drejtat të caktuara. Përkufizimi i të drejtave nuk është e tëra është vetëm një anë e medaljes, ana tjetër e medaljes është se kur gëzon të drejtat t’i ke edhe obligime. Ne e dimë që shteti si institucion është i vetmi që mund të garantoj të drejta njerëzore. Ne e dimë po ashtu që shteti është një farë lloj paradoksi më vetë veti, që njërën anë është organizmi i vetëm që mund të garantoj të drejtat e njeriut, por njëkohësisht shteti është ai që bënë shkeljen e të drejtave të njeriut, kjo është paradoksi. Por ne e dimë që shteti nuk është shtete varet se për çfarë shteti jemi duke folur”, ka thënë ai.
Igballe Rugova, aktiviste e të drejtave të njeriut dhe përfaqësues e shoqërisë civile, ka thënë se ligjet që mbrojnë të drejtat dhe lirit e njeriut nuk janë duke gjetur shumë zbatim.
“Falë Kushtetutës e cila është një gurthemel i të gjitha mekanizmave të tjerë, janë ato mekanizma që neve na ofrojnë një jetë më të sigurt, na ofrojnë barazi, na ofrojnë një siguri. Por a është duke u zbatuar këto ligje, me thënë të drejtën jo shumë. Prandaj kemi shoqërinë civile qe vazhdon sit e kësaj drejte të ngrisë zërin, të evokoj për çështje të ndryshme që i prekin qytetar e Kosovës”, ka thënë ajo.
