Agjencia e Statistikave të Kosovës (ASK) ka publikuar të dhënat mbi llogaritë qeveritare për tremujorin e katërt të vitit 2024, duke treguar një rritje si në të hyrat ashtu edhe në shpenzimet e Qeverisë krahasuar me të njëjtën periudhë të vitit të kaluar.
Sipas raportit të ASK-së shpenzimet e qeverisë janë janë më të mëdha në tre mujorin e katërt të vititi 2024, krahasuar me periudhën e njëjtë të vitit paraprak.
Gjithsej shpenzimet e Qeverisë së Përgjithshme në TM4 2024 ishin 1 miliard e 134 milion euro. Ndërsa shpenzimet në TM4 2023 ishin 1 miliard e 062.2 milion Euro.
Në raport thuhet se pjesën më të madhe të shpenzimeve , e përbëjnë Kontributet sociale dhe përfitimet me 24%, formimi i kapitalit bruto 22%, kompensimi i punëtorëve me 18%, konsumi i ndërmjetëm 14%. Ndërsa pjesa e mbetur e shpenzimeve është shpërndarë në kategori tjera të shpenzimeve.
Ndërkaq edhe të hyrat e Qeverisë në TM4 2024 janë rritur krahasuar me të njëjtën periudhë të vitit paraprak TM4 2023.
Gjithsej të hyrat e Qeverisë së Përgjithshme në TM4 2024 ishin 941.6 milion euro. Ndërsa të hyrat në TM4 2023 ishin 806.5 milion Euro.
Pjesën më të madhe te të hyrave e përbëjnë Tatimet në produkte, të cilat paraqesin 67 % të totalit të të hyrave, Tatimet rrjedhëse në të ardhura 13%, Aktivet dhe detyrimet financiare 12%. Ndërsa pjesa e mbetur është shpërndarë në kategori tjera të të hyrave./Indeksonline/
