Njohësi i çështjeve politike, Fidan Ukaj thotë se masat ndëshkuese të BE-së ndaj Kosovës janë mesazh i keq dhe stagnim i rrugës së vendit tonë drejtë BE-së.
Ukaj në një prononcim për GazetaBlic theksoi se me këto masa, Kosova është kthyer shumë hapa mbrapa.
Sipas Ukajt, këto masa do të ndikojnë drejtëpërdrejtë edhe në jetën e qytetarëve.
“Masat e BE-së për Kosovën janë mesazh i keq për imazhin e vendit në arenën ndërkombëtare dhe stagnim i rrugës së Kosovës për në BE”, tha Ukaj.
“Këto masa do të ndikojnë edhe në jetën e qytetarëve të vendit, pasi që ndihmat ekonomike evropiane në shumë fusha tashmë janë ndaluar, shumë projekte do të përfundojnë. Këto masa janë një kthim mbrapa i Kosovës “, tha ai.
Ndërsa, Drejtori Ekzekutiv i Institutit për Studime Evropiane dhe Globale, Jeton Halimi në një prononcim për GazetaBlic tha se me këto masa vendi ynë po humb shumë dhe sipas tij, i gjithë faji shkon tek kryeministri Kurti.
Halimi tha se, kryeministri Kurti duhet ta ketë të qartë që Kosova nuk dëshiron të izolohet.
“Masat ndeshkuese të BE-së ndaj Kosovës janë: Pezullim i fondeve të BE-së; Pezullim i MSA-së, Pezullim i takimeve të nivelit të lartë, Pezullim i vizitave bilaterale. Teksa ne humbasim nga programi 7.5 miliardësh euro për zhvillim dixhital, shtetet e rajnonit ecin me hapa shumë të mëdhenjë në këtë sektor”, tha ai.
“Politika e Albin Kurtit nuk e bën shtetë evropian Kosovën, koha e fundit është t’ia bëjmë me dije z.Kurtit se vendi ynë nuk dëshiron izolimin, por integrimin në të gjitha mekanizmat ndërkombtarë”, shtoi Halimi.
Sipas Halimit, SHBA-të dhe BE-ja duhet ta sanksionojnë edhe kryeministrin Kurti pasi sipas tij, është në kundërshtim me politikat e tyre.
“SHBA-të dhe BE-ja duhe të ju vënë sanksione edhe politkanëve, në këtë rast, kryeministrit Kurti dhe gjithë atyre ministrave që janë në kundërshtim me politikat e BE-së dhe SHBA-së”, tha Halimi për GazetaBlic.
