Veriu.info
  • Ballina
  • Lajme
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
Nuk u gjet asgjë!
Të gjitha rezultatet
Veriu
  • Ballina
  • Lajme
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Shkruan Imer Mushkolaj: Të gjesh shpëtim në Zajednicë

18/03/2023 - 15:59
në Opinione
A A
Shkruan Imer Mushkolaj: Ikja nga “skllavëria moderne”
Shpërndaje në FacebookShpërndaje në Whatsapp

Dialogu me Serbinë, për të cilin Albin Kurti dikur thoshte të mos ishte ndër prioritetet e tij kryesore, ka eklipsuar gjithçka tjetër në Kosovë. Në mungesë të projekteve zhvillimore dhe mospërmbushjes së premtimeve të dhëna, qeveria po “gjen shpëtim” në debatin rreth dialogut. Nuk po ka çfarë të thotë për shëndetësinë, arsimin, ekonominë.

Imer Mushkolaj

Të hënën e kësaj jave kryeministri Albin Kurti u pa në Kamenicë. Aty mori pjesë në vënien e gurthemelit të një shkolle dhe tha se pas disa vjetësh shkollimi në kushte të papërshtatshme, nxënësit do ta kenë një shkollë që i plotëson kushtet për rritjen dhe zhvillimin e tyre. Kurti po fliste kështu në komunën, në të cilën ish-kryetari Qëndron Kastrati kishte ndërmarrë reformë në arsim, por që me ardhjen në pushtet të Vetëvendosjes, Ministria e Arsimit kishte marrë vendim për të përjashtuar reformën e nisur nga ai.

Interesimi i mediave për ngjarjen në Kamenicë ishte i madh – jo aq për shkollën që po niste të ndërtohej, sa për të marrë përgjigje për një fotografi të Kurtit që shëmbëllente si luan, e të cilën kryetari i komunës e kishte vënë në zyrë.

Sidoqoftë, ngjarjet si kjo, në të cilat përurohet diçka ose nis të ndërtohet diçka, janë të rralla nën qeverisjen e Kurtit.

Për të mos i hyrë në hak, në fillim të dhjetorit të kaluar Kurti kishte përuruar edhe një urë 12-metërshe në Saradran të Istogut, për të cilin projekt ai, po ashtu, kishte zgjedhur fjalë të mëdha. Por, për më shumë se dy vjet qeverisje, ai po dështon t’i përmbush thuaja se të gjitha premtimet e dhëna sa i përket zgiidhjes së problemeve më të cilat ballafaqohen qytetarët. Megjithatë, me sukses po e përmbush një nga prioritetet, të cilin dikur thoshte se nuk e kishte lart në agjendë.

Në një intervistë për gazetën “Le Temps”, Kurti thoshte se të gjitha sondazhet tregojnë se shqetësimet kryesore të qytetarëve janë punësimi, ekonomia, drejtësia. Për dialogun thoshte se renditet i gjashti ose i shtati në mesin e prioriteteve të qytetarëve. “Sidoqoftë, unë jam i gatshëm të bëj një kompromis për ta vendosur dialogun në rendin e tretë ose të katërt të përparësive të mia”, theksonte ai.

Kështu edhe ka vepruar. Sot për qeverinë e tij duket se gjithçka është dialog, veçanërisht Zajednicë. Sot në Kosovë gjithçka ka mbetur nën hijen e procesit të negociatave, arritjes së marrëveshjes me Serbinë dhe, sidomos fatit të Zajednicës, të cilën Kurti e kundërshtonte fort sa ishte në opozitë.

* * *

Është vështirë të identifikosh përparime thelbësore në fushat kryesore, si shëndetësi, arsim dhe ekonomi. Zyrtarë të partisë në pushtet ende përmendin “20 vjeçarin” e kaluar, si sinonim të çdo të keqeje në vend, por e kanë vështirë të listojnë suksese të prekshme të qeverisë dhe përmbushje premtimesh.

Nëse merren si shembull rrugët regjionale në vend, asnjëra nga to nuk është përfunduar dhe në asnjërën nga to nuk është duke u punuar. Ndërkohë, prezantohen projekte megalomane si rrugë e tunele që lidhin Kosovën me Maqedoninë e Veriut dhe Malin e Zi. Ndërkohë, vazhdojnë eksperimentet në arsim e shëndetësi, pa përmirësuar asgjë strukturore që do të ndryshonte diçka për të mirë në këta sektorë.

Militantë të partisë vazhdojnë ta portretizojnë Albin Kurtin si luan, ndërkohë që mijëra vetë po braktisn vendin në kërkim të një jetë më të mirë. Paga minimale vazhdon të jetë e mjerë, ndërkohë që ministrat e kryeministri nuk i lëshojnë nga goja shifrat për rritje “fantastike” ekonomike. Rrallë e përmendin rritjen enorme të çmimeve, paralajmërimin për shtrenjtim të rrymës dhe krizën sociale, në të cilën qytetarët po zhyten çdo ditë e më shumë.

E mbytur në procesin e dialogut, paradoksalisht qeveria po gjen shpëtim në këtë prioritet që shpejt e shpejt zuri vend lart në listë. Tash sa muaj kryeministri pyetet vazhdimisht se çfarë do të ndodhë me Zajednicën dhe me njohjen reciproke, por pak ose aspak flet për projektet e premtuara – për mirëqenien e qytetarëve, zhvillimin ekonomik që nuk po ndodh, çerdhet e programin për banimin social, për arsimin e shëndetësinë që po vendnumërojnë.

Ironikisht sot Kurti po gjen shpëtim në procesin e dialogut që dikur e refuzonte, në Zajednicën për të cilën thoshte se do ta shkatërrojë shtetin.

JU REKOMANDOJMË

Nis takimi trepalësh në Ohër
Opinione

Rexhep Hoti: Hera e parë në historinë botërore të Ballkanit që fitojnë të gjithë!

19/03/2023 - 20:05
Halil Matoshi: Albin Kurti nga opozita godiste kundërshtarët ndërsa nga pushteti, gazetarët!
Opinione

Shkruan Halil Matoshi: Laudatio për Saranda Bogujevcin!

14/03/2023 - 21:26
Shkruan Imer Mushkolaj: Ikja nga “skllavëria moderne”
Opinione

Shkruan Imer Mushkolaj: Ikja nga “skllavëria moderne”

13/03/2023 - 20:17
Përpara Serbisë Kosovën duhet t’a njohë vetë Bashkimi Europian
Opinione

Përpara Serbisë Kosovën duhet t’a njohë vetë Bashkimi Europian

07/03/2023 - 22:45
Haxhiu: Kurti e Bislimi zhvilluan biseda të fshehta “me thika” mbi sistemin energjetik të Kosovës
Opinione

Letër e shkurtër publike për kolegët gazetarë, shoqërinë civile dhe për politikanët në Serbi

07/03/2023 - 14:47
“Nesër Albin Kurti e nënshkruan kapitullimin e tij politik”
Opinione

“Nesër Albin Kurti e nënshkruan kapitullimin e tij politik”

26/02/2023 - 14:52

Më të lexuarat në 24 orët e fundit

  • Nuk e pranoi ftesën për në Post Big Brother, reagimi i papritur i Vedatit

    Nuk e pranoi ftesën për në Post Big Brother, reagimi i papritur i Vedatit

    200 Shpërndaje
    Shpërndaje 80 Tweet 50
  • 60 minuta pas apo para? Kjo është data kur ndryshon ora

    126 Shpërndaje
    Shpërndaje 50 Tweet 32
  • Analisti serb: Kurti doli fitues nga Ohri, Vuçiq e pranoi pavarësinë e Kosovës veç me një kusht

    114 Shpërndaje
    Shpërndaje 46 Tweet 29
  • Lajmi i fundit: Aksion i policisë së Kosovës, 8 persona vihen në pranga e dërgohen në burg

    103 Shpërndaje
    Shpërndaje 41 Tweet 26
  • Vuçiq: Të gjitha pikat e marrëveshjes me Kosovën do t’i zbatojë, përveç anëtarësimit në OKB

    102 Shpërndaje
    Shpërndaje 41 Tweet 26

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë