Verën e kaluar FC Vushtrria kishte prezantuar biznesmenin Shaip Mikullovci si sponsorin kryesor, duke thënë se ky është shpresa e fundit për ta arritur suksesin.
Por një gjë e tillë nuk ndodhi, pasi sot “FC Vushtrria” humbi në barazh përballë “Llapit”
duke mbetur sërish në Ligën e Parë, raporton Gazeta Online Veriu.info.
E në fund të fundit si mund të arrihet suksesi kur biznesmeni Shaip Mikullovci, i prezantuar si “shpëtimtari” i klubit, vë në pozita kyçe familjarë dhe punëtorët e tij.
Mikullovci arriti që fillimisht kryetar të klubit ta bëjë ish kryetarin e BIK-ut në Vushtrri, Shemsi Rrahimi, i cili shihet se është edhe punëtor i kompanisë “Emona Group”.
Por përveç kësaj “shpëtimtari” Mikullovci nuk u ndalë me kaq, pasi ai bëri drejtor sportiv të klubit dhëndrrin e tij (burrin e motrës), Liridon Ahmeti, ndaj të cilit pati kritika të ashpra se nuk ka lidhje me menaxhim.
Saga e Shaip Mikullovcit shkon përtej kësaj.
Përveç që vendosi në krye të klubit punëtorin e tij dhe dhëndrrin, ai nuk sponsoroj klubit në nivelin e duhur pasi muajt e fundit klubi kishte telashe të mëdha financiare, duke mos marrë paga lojëtarët me muaj të tërë.
Veriu.info kishte raportuar në vazhdimësi për këtë nivel nepotizmi në klub dhe telashe financiare, gjë që u kurorëzuan sot me dështimin “Fc Vushtrria” për t’u bërë pjesë e Superligës në futboll.
