Deputeti i PDK-së, Arian Tahiri, ka përcjellë një mesazh për qytetarët e Kosovës, duke theksuar rëndësinë e besimit në potencialin e vendit dhe vullnetit qytetar për të sjellë ndryshime.
Tahiri, përmes një postimi në Facebook, ka thënë se pengesat nuk janë të përhershme kur qytetarët besojnë në forcën dhe mundësitë që ka Kosova.
Sipas tij, ajo që sot mund të duket e pamundur për t’u tejkaluar, nesër mund të mbetet vetëm pjesë e së kaluarës.
“Kur Kosova beson në veten e saj, asnjë pengesë nuk është e përhershme. Ajo që duket e pathyeshme sot, nesër mund të jetë vetëm një kapitull i së kaluarës. Kur zgjohet vullneti i qytetarit, ndryshimi nuk ndalet”, ka shkruar Tahiri.
