Ankesat e qytetarëve ndaj bankave në Kosovë janë tashmë një realitet i përditëshë, e me një gjë tillë tash po përballen edhe politikanët.
Një rast të tillë e ka shprehur edhe deputeti i Vetëvendosjes, Nezir Kraki, ndaj bankës TEB për të cilën ka thënë se ia ka bllokuar llogaritë dhe kartën tash e 3 javë për përditësim të të dhënave, por edhepse ka qenë fizikisht në objektin e TEB-it për ta zgjidhur këtë problem para 3 javësh ai prapë llogarinë e ka të bllokuar, raporton Gazeta Online Veriu.info.
Kraki ka thënë se këtë rast po e shfaq publikisht për të treguar mungesën e profesionalizmit në ofrimin e shërbimeve.
Deputeti ka thënë se sektori bankar në Kosovë ka gati funksionim mafioz si vjedhës masiv i qytetarëve.
“Kamatat qe jane ne fuqi ketu jane me shume kartel i plaqkitjes sesa opsione per zgjidhje te halleve e nevoja te familjeve kosovare. Nese ne France dhe ne gati gjithe Evropen kamata nuk e kalon 3,5% ne kredite patundshmerie (ne kohe krize sepse normalisht jane 1,5-2%) si eshte e mundur qe ne Kosove te jete 6-8% ?
Nejse, me kete teme do merrem edhe zyrtarisht dhe politikisht sepse ka ardhe momenti qe te ndalen plaqkitjet me letra.” – shkruan Kraki.
Postimi i plotë:
