Ka kohë që rruga magjistrale që lidh Mitrovicën me Leposaviqin, dhe që vazhdon deri në pikën kufitare në Jarinje, është kontrolluar nga disa postblloqe policore, saktësisht të Njësive Speciale të Policisë së Kosovës.
Postblloku më i madh i Njësisë Speciale të Policisë së Kosovës është i vendosur në dalje të Leposaviqit, jo shumë larg pikës kufitare mes Kosovës dhe Serbisë në Jarinje.
Ekipi i Gazetës Online Veriu.info ka vizituar sot këtë pjesë, deri në Jarinje, pas raportimeve se KFOR ka ndaluar Njësinë Speciale të hyjë nē komunën e Leposaviqit.
Kur u afruam afër postbllokut policor në dalje të Leposaviqit, si zakonisht ngadalësuam shpejtësinë, pasi ishim mësuar që nëse jo të ndaleshim, së paku të ishin policët fizikisht në rrugë ku kontrollonin shumë vetura që kalonin andej pari.
Por për çudinë tonë, policia ishte tërhequr tërësisht nga rruga, dhe nuk shiheshin fare në rrugë, por vetëm veturat e tyre shiheshin pas blloqebe prej betoni ku është vendosur pika tash e një kohë.
A nënkupton kjo që Policia e Kosovës ka marrë urdhër që të stopojë kontrollet e veturave?
Sot u raportua në media se KFOR-i ka ndaluar Njësinë Speciale për pak kohë dhe më pas e ka lejuar të shkojë tek komuna e Leposaviqit.
Duket një korelacion interesant mes këtyre dy situatave, pasi ndalesa e KFOR-it ka bërë që policia së paku gjatë kohës që ne qëndruam në atë pjesë, të mos i bëj kontrollet rutinore të kontrollave.
Në komunikim jozyrtar me policët e kontrollit rrugor në atë pjesë, na u tha se kjo gjë po ndodh pasi është kërkuar që ekipet e policisë të vendosen në pjesë tjera të veriut.
Nga pamjet e siguruar nga ekipi i Veriu.info veturat e Policisë shihen në postbllokun e vendosur në dalje të Leposaviqit, por si zakonisht sot nuk dukeshin fare në rrugën kryesore për kontrollë.
A po shkon Kosova drejt tërheqjes së Njësive Speciale nga veriu i vendit?
Kjo mbetet të shihet, por duket se është opsion i mundur pasi edhe vet kryeministri Kurti sot u deklarua se do të ndodh reduktim gradual i policisë në komunat në veri.
Pamje:
