Tre persona kanë vdekur si pasojë e zjarrit në një banesë në Malishevë. Viktimat janë familjarë. Bëhet fjalë për babanë dhe dy fëmijët, një vajzë dhe një djalë.
Policia e Kosovës e ka konfirmuar rastin për Insajderin.
Sipas policisë, në banesë janë gjetur një person i rritur dhe dy fëmijë pa shenja jete.
“Në këtë banesë janë gjetur tre persona (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete” thotë policia.
Mediat lokale kanë publikuar pamje nga vendi i ngjarjes:
“Sot, rreth orës 12:55, jemi njoftuar për një incident zjarri në një banesë në lagjen “Mirëdita”, në Malishevë. Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente. Në këtë banesë janë gjetur tre persona (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete. Zjarri është lokalizuar dhe nuk është raportuar për pasoja të tjera. Lidhur me rastin është njoftuar edhe prokurori i shtetit dhe aktualisht janë duke u ndërmarrë të gjitha veprimet e nevojshme hetimore për të sqaruar rrethanat dhe shkaqet e kësaj ngjarjeje”,ka thënë zëdhënësi i Policisë, Sheremet Elezaj.
