Veprimtari nga mërgata, Hektor Beqiri, ka ftuar bashkatdhetarët në Zvicër që marrin pjesë në Akademinë Përkujtimore kushtuar heroit, Abedin Rexha – Sandokan që do të mbahet më 24 tetor, në Hotel Toss, në Winterthur.
Hektor Beqiri në emër të Këshillit Organizativ, ka bërë të ditur se në këtë akademi do të jetë e pranishme edhe Sanije Rexha, bashkëshortja dhe bashkëluftëtarja e Heroit Abedin Rexha – Sandokani, e cila do të ndajë me të pranishmit kujtime, rrëfime dhe momente nga jeta dhe rruga e përbashkët e Sandokanit, transmeton Veriu.info.
Postimi i Hektor Beqiri:
Të nderuar bashkatdhetarë,
Në emër të Këshillit Organizativ në Zvicër, kemi nderin t’ju ftojmë në Akademinë Përkujtimore kushtuar Heroit të Kombit, Abedin Rexha – Sandokani.
Kjo akademi i kushtohet jetës, veprës dhe kontributit të Heroit tonë, i cili me përkushtim dhe sakrificë të tij në shërbim të Atdheut u bë pjesë e historisë dhe kujtesës sonë kombëtare.
Prania juaj në këtë përkujtim do të jetë një nderim i veçantë për figurën dhe veprimtarinë e tij të gjatë në shërbim të vendit, si dhe një dëshmi e respektit që ruajmë për ata që shërbyen me përkushtim dhe sakrificë lirisë së vendit.
Në këtë akademi do të jetë e pranishme edhe Sanije Rexha, bashkëshortja dhe bashkëluftëtarja e Heroit Abedin Rexha – Sandokani, e cila do të ndajë me të pranishmit kujtime, rrëfime dhe momente nga jeta dhe rruga e përbashkët e Sandokanit.
Akademia Përkujtimore do të mbahet më 24 tetor, në Hotel Toss, në Winterthur të Zvicrës, duke filluar në orën 17:00.
Ju ftojme të na bashknagjiteni në nderimin të Heroit tonë.
