Ministrja e Industrisë, Ndërmarrësisë dhe Tregtisë, Mimoza Kusari Lila ka fajësuar opozitën për çështjen e presidentit, pasi siç tha ajo vetëm Kryeministri Albin Kurti dhe Lëvizja Vetëvendosja kanë dhënë emra konkret.
“Unë uroj që sot të ketë marrëveshje. Ka qenë vetëm Kurti dhe LVV që kanë bërë propozime për emrin e presidentit. Në asnjë rast, qoftë me LDK-në ose PDK-në, nuk ka pasur nismë ose iniciativë për të zgjidhur çështjen e presidentit, apo për të dhënë emër.
Kusari-Lila tha se shpreson që të ketë marrëveshje sot pasi vendi e ka të panevojshme shkuarjen në zgjedhje të reja.
“Shpresojmë që do të ketë marrëveshje, përkundër që kjo është kompetencë e kryeministrit dhe të evitojmë shkuarjen në zgjedhje të reja. Zgjedhjet e reja do të rrezikonin disa prej proceseve që janë në një dinamikë pozitive të vendit tonë. Uroj që të ketë një qasje pozitive, megjithatë deri më tani kemi pa përpjekje të vazhdueshme vetëm nga njëra anë”, tha ajo në konferencë për media.
