Sipas dosjes së siguruar nga Klan Kosova, ndaj tij janë ngritur 12 aktakuza për vepra të ndryshme penale.
Në vitin 2018, ai u dënua me 6 vjet e 6 muaj burgim për tentim-vrasje të rëndë ndaj të dashurës 17-vjeçare, të cilën e kishte goditur me thikë. Për arratisje ishte dënuar me 4 muaj burgim, ndërsa edhe brenda burgut kishte kryer vepër penale, për të cilën mori një tjetër dënim prej 4 muajsh.
Aktakuzat e tjera lidhen kryesisht me vjedhje të lehta dhe të rënda, ndërsa disa raste të ngritura që nga viti 2016 nuk janë gjykuar.
