Veriu.info dje ka raportuar se si Agjencia e Ushqimit dhe Veterinarisë ka marrë mostra të mishit të bardh “Copacol” në kufi, depo të importuesit dhe në dy pikë shitëse (markete), për ta kontrolluar se a përmbanë bakterin “salmonela’, e cila ishte gjetur në këtë brend të mishit të bardh në Shqipëri në disa tonelata të këtij produkti ushqimor.
Në raportimin ekskluziv nga Veriu.info u dëshmua se si ky mish i bardh po shitet në disa markete (INTEREX e VIVA FRESh STORE), ndërkohë që AUV-i kishte urdhëruar heqja e tij nga tregu përkohësisht në pikat ku i kishte marrë mostrat.
Në këtë storie të Veriu.info kemi raportuar po ashtu se importues i këtij mishi të bardh për Kosovë është kompania “KAJMAK” Sh.P.K, gjë të cilën sot AUV-i e ka pranuar zyrtarisht.
Veriu.info sot ka dërguar pyetje shtesë në Agjencinë e Ushqimit dhe Veterinarisë (AUV), duke i pyetur se pas kontrolleve në pika shitëse dhe tërheqjes e bllokimit të sasive te mostruara, a kanë pasur obligim gjithë shitësit dhe gjithë subjektet e kontrolluara ta tërheqin nga tregu mishin e bardh të mostruar “Copacol”.
Në përgjigjen e dhënë sot nga AUV për këtë çështje thuhet: “Janë inspektuar disa pika shitëse nga të cilat janë marrë dy mostra të produkteve qe kanë qenë të ekspozuara në raftet e frigoriferëve në shitje. Sipas protokollit të aktivitetit inspektues përsëri është vepruar në zbatim të procedurës inspektuese, duke vepruar me largim nga rafti shitës për pikat qe janë inspektuar dhe marrë mostrat”.
Pra, AUV ka urdhëruar heqjen që ky produkt të hiqet nga raftet vetëm në pikat e inspektuara, gjë që të njëjtave subjete afariste iu jep mundësi që të njëjtin ta shesin në pikat (marketet) tjera.
Të pyetur se depoja e inspektoruar e operatorit ekonomik importues, siç kishte raportuar Veriu.info, a i përket kompanisë “KAJMAK” Sh.P.K., zyra për informim e AUV thotë: “Të njëjtit kontroll i është nënshtruar edhe operatori ekonomik importues ‘’Kajmak Sh.p.k’’ Prizren. Ne depon e të cilit, sasia e gjetur e produktit të dyshuar brendi ‘’ Copacol’’ sipas lajmit në Shqipëri, është kufizuar për qarkullim dhe është marrë mostra për testim laboratorik”.
Çka është Salmonela?
Salmonela është një infeksion bakterial Salmonella që shkakton diarre, ethe dhe dhimbje stomaku. Vetëm në Shtetet e Bashkuara, më shumë se një milion njerëz infektohen me Salmonela çdo vit dhe 26,500 shtrohen në spital. Ka rreth 420 vdekje për shkak të Salmonellës çdo vit në Shtetet e Bashkuara.
Për hir të korrektësisë, në vazhdim gjeni përgjigjen e plotë të AUV-it, e cila megjithatë nuk ka dhënë përgjigje se sa është sasia e mishit te bardh “Copacol” e evidentuar ne depon e importuesit qe eshte ndaluar te nxjerren perkohesisht ne treg:
Agjencia e Ushqimit dhe Veterinarisë menjëherë pas publikimi ne media, të incidentit të mishit me origjinë nga Brazili, importuar në Shqipëri. Ka nisur ndërmarrjen e veprimeve për ti siguruar dhe hequr dyshimet për konsumatorin kosovarë rreth sigurisë se produkteve të mishit nga Brazili qe tregtohen në Kosovën. Në aspektin hulumtues sipas të dhënave nga kontrolli kufitar, të konfirmuar nga Autoriteti Kombëtar i Ushqimit në Shqipëri. Nuk është gjetur asnjë fakte qe ndërlidhë incidentin në Shqipëri me produktet qe tregtohen në Kosovë.
Tutje në hulumtim sipas të dhënave zyrtare të kontrollit kufitar të AUV-së, në tremujorin e këtij viti të gjitha ngarkesat e importuara me mish dhe produkte mishi pule me origjinë nga Brazili, u janë nënshtruar kontrollit të rregullt Veterinarë Kufitar. Në aspektin e kontrollit inspektues ( dokumentacionit shoqërues, kontrollit fizik dhe organoleptik) të gjitha ngarkesat kanë qen ne përputhje me rregullat ligjore. Duke u bazuar në këto të gjetura, sektorët kompetent kanë vlerësuar se është e mjaftueshme të ndërmarrën veprime të përshkallëzuar ose kufizuese parcialishtë. Është ledhuar urdhëresa për kontroll të detajuar për të gjitha ngarkesat me mish pule nga Brazili, duke përfshirë mostrimin e secilës qe rrjedhimit ndalim të daljes në treg deri në rezultatin laboratorik. Këtij urëdhëri deri me tani i janë nënshtruar 7 ngarkesa, të gjitha janë mostruar dhe ndaluar përkohësisht për dalje ne treg.
Nga të dhënat zyrtare të përmes evidencave të mbajtura nga raportimet përmes kanaleve të komunikimit, deri me tani nuk është pranuar asnjë ankesë e konsumatorit, nën dyshimin për ndonjë indikacion shëndetësor të shkaktuar nga mishi i pulës. Po ashtu nuk është pranuar asnjë njoftim/lajmërim nga institucionet shëndetësore për ndonjë rast të paraqitjes së ndonjë pacienti me shenja klinike helmimi nga ushqimi me mish pule. Referuar këtyre të dhënave sektori përgjegjës ka vlerësuar se: është i mjaftueshëm tani për tani kontroll i kufizuar në disa raste të rastësishme ose me ndonjë lajmërim të konsumatorit për llojin e produktit të njëjtë qe është raportuar në Shqipëri. Janë inspektuar disa pika shitëse nga të cilat janë marrë dy mostra të produkteve qe kanë qen të ekspozuara në raftet e frigoriferëve në shitje. Sipas protokollit të aktivitetit inspektues përsëri është vepruar në zbatim të procedurës inspektuese, duke vepruar me largim nga rafti shitës për pikat qe janë inspektuar dhe marrë mostrat. Të njëjtit kontroll i është nënshtruar edhe operatori ekonomik importues ‘’Kajmak Sh.p.k’’ Prizren. Ne depon e të cilit, sasia e gjetur e produktit të dyshuar brendi ‘’ Copacol’’ sipas lajmit në Shqipëri, është kufizuar për qarkullim dhe është marrë mostra për testim laboratorik.
Sipas vlerësimit të përgjithshëm të situatës deri ne këto momente, nuk është vlerësuar si e nevojshme për të ndërmarre veprime shtesë, ato qe janë vendosur deri me tani do të japin një pasqyrë të sekt të situatës. Në momentin e nxjerrjes se rezultateve laboratorike menjëherë pasohet me vendime/veprime tjera varësisht nga të gjeturat. Rezultatet laboratorike sipas akteve ligjore në fuqi, janë të gjeturat kryesore qe vendosin për fatin e ngarkesës apo sasive të produkteve qe i janë nënshtruar kontrollit dhe mostrimit. Në çastin e parë, qe nxjerrët rezultati, ai do të komunikohet për palët dhe publikun. Për statistika të sasive në import ju lutem kontaktoni Doganat e Kosovës. Ata janë organi kompetent për kontroll të sasive dhe vlerës se mallit.
