22 organizata nga komuniteti shqiptaro-amerikan kanë publikuar një qëndrim të përbashkët sa i përket procesit të gjykimit që është duke vazhduar në Gjykatën Speciale të Hagës ndaj ish-krerëve të UÇK-së. Në këtë letër thuhet se komuniteti shqiptaro-amerikan është i përkushtuar ndaj thellë ndaj idealeve të lirisë dhe drejtësisë.
Megjithatë shtojnë tutje se kur liria merret në mënyrë arbitrare dhe drejtësia manipulohet si një vegël politike, bëhet detyrë e qytetarëve që të rezistojnë dhe të ekspozojnë një padrejtësi të tillë.
Në këtë letër theksohet fakti se asnjë akuzë lidhur me trafikimin e organeve s’është ngritur, ndonëse Gjykata Speciale ka rrjedhur si rezultat i raportit të Dick Martyt me pretendimet për trafik organesh.
“Tashmë është evidente se këto akuza janë fabrikuar tërësisht për qëllime politike”, thuhet në qëndrimin e këtyre 22 organizatave shqiptaro-amerikane.
Sipas tyre, Gjykata Speciale në vend se të angazhohet në mandatin e saj fillestar, ajo është angazhuar në veprime që cenojnë drejtësinë dhe paqen.
“Katër vite më parë, pa aktakuzë, presidenti i Kosovës u ndalua teksa po udhëtonte për në Shtëpinë e Bardhë për të nënshkruar një marrëveshje historike paqeje me Serbinë. Ky arrestim synonte qartësisht të sabotonte përpjekjet e udhëhequra nga Amerika për të siguruar paqen në rajon. Që atëherë, nëntë zyrtarë të tjerë të shquar shqiptarë, duke përfshirë kryeparlamentarin aktual dhe atë të mëparshëm, janë arrestuar – por asnjë serb nuk është sjellë para drejtësisë nga kjo Gjykatë”, thekson letra.
Në këtë letër gjithashtu përmenden takimet që Kryegjykatësja dhe Kryeprokurorja e Sepciales kanë pasur takime me diplomatët e huaj, por jo me zyrtarë të Republikës së Kosovës, ndonëse Gjykata është organ i dalë nga Parlamenti i Kosovës.
“Ky organ nuk njeh as flamurin e vendit që e ka krijuar. Veprime të tilla minojnë sovranitetin e Kosovës dhe pavarësinë e saj të fituar me vështirësi, e cila u njoh nga Gjykata Ndërkombëtare e Drejtësisë dhe mbi 100 vende në mbarë botën”, thuhet në letër.
Në fund të letrës, këto 22 organizata të komunitetit shqiptaro-amerikan kanë bërë thirrje tek presidentja Vjosa Osmani dhe kryeministri Albin Kurti që të shfrytëzojnë ndikimin e tyre për të vendosur vëmendjen ndërkombëtare tek ajo që po ndodh në Hagë. Përveç kësaj i kanë bërë thirrje kryeministrit Kurti që të heqë kufizimin e fondeve që janë në dispozicion të paraburgosurve në Hagë, në mënyrë që të sigurohet mbrojtje e drejtë.
Nga Kuvendi i Kosovës kanë kërkuar seancë dëgjimore të menjëhershme për këtë çështje.
“Gjyqtarët dhe prokurorët e Dhomës së Specializuar duhet të thirren për të dëshmuar në lidhje me karakterin mono-etnik të gjykatës dhe shkeljet e përsëritura të procesit të rregullt ligjor”, potencon letra.
Në letër këto organizata kanë pasur edhe thirrje për SHBA-në, që të hetojnë tërësisht procesin dhe të ndërmarrin hapat e nevojshëm për të rivendosur drejtësinë dhe përgjegjësinë ndaj procesit në Hagë.
“Për Qeverinë e Shteteve të Bashkuara: Ne ju bëjmë thirrje që të hetoni tërësisht këtë çështje dhe të ndërmerrni të gjitha hapat e nevojshëm për të rivendosur drejtësinë, drejtësinë dhe përgjegjësinë ndaj këtij procesi të njëanshëm”, thuhet në fund të letrës.
Organizatat që kanë nënshkruar letrën:
Albdreams Albanian American Community of Illinois
Albanian American Council
Albanian American Cultural Center of Texas
Albanian American Relations Council
Albanians Assisting American Veterans of Ëar
Ceka international foundation
DIBRA Association
Global Albanians Foundation – Boston
Jehona e Malsise of Michigan
Malesia e Madhe Association- Neë York
Malesia e Madhe-Michigan
Manhattan University Albanian Club
Pan-Albanian Federation VATRA
PEJA Association
Princeton University Albania Kosova Association
Rozafa Shkodra Association
Rutgers University Albanian Club
Seton Hall University Albanian Student Organization
St. Francis College Albanian Roots Club
St. John’s University Albanian Culture Club
The Albanian American Association of ULQIN Inc.
Valet e Liqenit, ChicagoTelevision
CC:
United States Department of State
Hon Bob Corker, Chairman Senate
International Relations Committee
Members Senate International Relations Committee
Hon. Brian Mast, Incoming Chairman of House Foreign Relations Committee
Members House Foreign Relations Committee
Hon. Lindsey Graham, Incoming Chairman Senate Judiciary Committee
Members Senate Judiciary Committee
Hon. Jim Jordan, House Judiciary Committee
Members of House Judiciary Committee
