Presidentja e Kosovës, Vjosa Osmani mbrëmë ka organizuar pritjen e fundvitit për mediat, ku falënderoi gazetarët për punën e tyre të palodhshme gjatë tërë këtij viti.
Osmani falënderoi veçanërisht gazetarët që kanë raportuar nga veriu i vendit, gjatë trazirave që ndodhën atje.
E në këtë pritje, Osmani u kujdes që të ketë një fjalim më ndryshe siç jemi mësuar ta shohim.
Fjalimin e saj, presidentja e përmbylli me fjalinë “This barbie is the president” (kjo barbie është presidente), pasi siç tha presidentja shpesh herë është pyetur se përse po vishet me ngjyrë rozë.
