Grupi Dukagjini ka reaguar pas raportimeve në media se Prokuroria Speciale ka ngritur aktakuzë ndaj 5 personave fizikë dhe 3 personave juridikë, për shkak të dyshimit të bazuar se kanë kryer veprat penale – falsifikimi i dokumentave, dhe – shpëlarje e parave.
Në reagimin e Grupit Dukagjinit “Në lidhje me të do të deklarohemi në gjykatë. Aty do të dëshmojmë jo vetëm pafajësinë e kompanisë tonë bijë dhe drejtuesve të vet, por edhe persekutimin personal dhe të kundërligjshëm të cilit i janë nënshtruar gjatë tre viteve të hetimit të kësaj çështje.
Ky reagim i Grupit Dukagjini vjen pas raportimeve mediale se ndaj pronarit të kësaj kompanie, Ekrem Lluka dhe djalit të tij, Korabit, prokuroria ka ngritur aktakuzë, të cilën mund ta lexoni në linqet në fund të këtij artikulli.
Reagimi i plotë:
Grupi Dukagjini ka qenë dhe do të mbetet një ndër shtyllat kryesore të zhvillimit ekonomik të vendit, duke kontribuar fuqishëm në buxhetin e Republikës së Kosovës. Gjatë periudhës kohore 1999 – 2024, Grupi Dukagjini dhe kompanitë e veta bija, i kanë kontribuar arkës së shtetit me mbi 250 mil EURO, të paguara në emër të tatimeve direkte dhe indirekte.
Ky kontribut i Grupit Dukagjini për buxhetin e Republikës së Kosovës është tregues jo vetëm i suksesit tonë afarist, por edhe i përkushtimit tonë për zbatim të ligjit.
Për fat të keq, një sukses i tillë nuk është i mirëseardhur për të gjithë. Në pamundësi për të konkurruar me ne në tregun e hapur, dashakëqinjtë përpiqen të na dëmtojnë me akuza të fabrikuara. Po sipas të njëjtës metodë, në mungesë të provave për këto akuza, veglat e këtyre dashakëqinjëve, përipiqen të krijojnë epërsi të padrejtë në opinionin publik me komunikata sezasionaliste të pavërteta dhe me rrjedhje të informatave të gjymtuara.
Asnjë nga këto përpjekje të kundërligjshme nuk do të na zbrapsim nga përkushtimi ynë për të vazhduar punën tonë, për t’iu shërbyer konsumatorëve, bashkëpunëtorëve dhe partnerëve tanë, që na besojnë përreth 40 vite. Aktakuzën që është raportuar se është ngritur kundër njërës nga 11 kompanive tona, dhe drejtuesve të saj, nuk e kemi pranuar.
Në lidhje me të do të deklarohemi në Gjykatë. Aty do të dëshmojmë jo vetëm pafajësinë e kompanisë tonë bijë dhe drejtuesve të saj, por edhe persekutimin personal dhe të kundërligjshëm të cilit i janë nënshtruar gjatë tre viteve të hetimit të kësaj çështjeje. Duke marrë parasysh se aktakuza dhe fushata mediale e orkestruar nga kundërshtarët tanë po synon të na dënoj pa gjyq, kërkojmë nga Gjykata që procedura gjyqësore të filloj sa më parë. Me besim të plotë në drejtësi dhe pafajësinë e kompanisë tonë bijë dhe drejtuesve të saj, i ftojmë të gjitha mediat dhe organizatat e shoqërisë civile që aktivisht dhe sistematikisht ta monitorojnë këtë proces gjyqësor.
Ndryshe, Veriu.info ka shkruar lidhur me aktakuzën e Prokurorisë Speciale, e cila prekë disa emra të korporatave që kanë në pronësi edhe media në Kosovë, përfshirë Ekrem e Korab Llukën të Kompanisë Dukagjini.
Aktakuza e Prokurorisë Speciale që prek pronarët e mediave, Ekrem Lluka dhe Klodian Allajbeu
