Po ballafaqoheni me etje, dhimbje koke, lodhje apo fryrje gjatë agjërimit?
Kjo për shkak se nuk po pini ujë në mënyrën e duhur. Konsumimi i ujit gjatë syfyrit nuk do t’ju mbajë të hidratuar gjatë gjithë ditës.
Ekspertët rekomandojnë rregullin 2-4-2 të hidratimit për energji dhe fokus më të mirë.
Këtë metodë e rekomandoi dietologu Marriam, përmes një postimi në rrjetin social Instagram. Por çfarë rekomandon ky truk.
Pini dy gota ujë në iftar, filloni ngadalë, mos e mbingarkoni stomakun tuaj;
Pini katër gota ujë midis iftarit dhe syfyrit, konsumoni ato gradualisht gjatë natës;
Pini dy gota ujë në syfyr, do të jeni të hidratuar gjatë ditës së nesërme.
Gjithashtu çfarë duhet të keni parasysh është që konsumimi i çajit dhe kafesë çon në humbjen e ujit dhe dehidratimit.
Po ashtu duhet të shmangni ushqimet e kripura, të skuqura ose të përpunuara, pasi ju bëjnë më të etur dhe ju dehidratojnë. /Telegrafi/
