Veriu.info ka raportuar para dy ditësh se si në kompaninë “Swiss Group” që menaxhon fabrikën e mishit “Swiss Foods” është gjetur mish i rrezikshëm me bakteren Salmonella, për të cilin inspektorët e AUV e kanë detyruar kompaninë ta asgjësoj.
Kompania “Swiss Group” nuk kishte dhënë përgjigje në pyetjet e parashtruara nga Veriu.info më 24 korrik (e enjte) për këtë rast, përderisa artikulli është publikuar (e diele).
“Swiss Group” ka dërguar dje një reagim në Veriu.info, të cilin sot e ka plotësuar me informata shtesë, ku thotë se pas kontrollit të realizuar më datë 12.11.2024 rezultati zyrtar ka dalë i kënaqshëm.
Mirëpo, ky raport testimi i kryer në kompaninë “Swiss Group” është bërë një (1) ditë pas asgjësimit të mishit dhe rreth një muaj pas raportit të parë të testimit që e nxjerrte mishin me rezultate të pakënaqshme.
Çka nënkupton kjo?
Shpjeguar për lexuesin me terma teknik, kjo nënkupton se në kompaninë “Swiss Group” më datë 15.10.2024 kanë dalë rezultate të pakënaqshme për një produkt mishi “shnicëll pule” në bazë të raportimit të testimit. Në bazë të këtyre rezultate, AUV me procesverbalin e datës 11.11.2024 konstaton asgjësimin e këtij mishi dhe udhëzon kompaninë të merr masa për t’u mos përsëritur kjo situate.
Në ditën që inspektorët e AUV monitojnë asgjësimin e mishit të testuar në tetor, marrin një mostër tjetër të mishit, rezultatet e të cilit dalin të kënaqshme. Kjo nënkupton se pasi që inspektorët e AUV kishin asgjësuar mishin në e mostruar në tetor, “Swiss Group” kishte marrë masa për ta përmirësuar cilësinë e këtij mishi.
Ndryshe, në dokumentet e prezantuara nga AUV subjekti juridik ku është gjetur mishi i rrezikshëm është “Swiss Group”, por që duket se ka pasur lëvizje të aksioneve të kompanisë, për shkak se në komunikimet me e-mail me këtë kompani na kanë konfirmuar një numër unik tjetër të kompanisë, e cila rezulton të jetë BAI SH.P.K. me pronar Ismail Zekaj. Pra, tash fabrika e përpunimit të mishit “Swiss Foods” menaxhohet nga kjo kompani.
