Një konferencë e papritur e presidentes së Kosovës, Vjosa Osmanit, solli në publik emrin e gjyqtarit të Gjykatës Kushtetuese Radomir Laban, deri dje emër shumë pak i njohur për publikun. jo për shkak se publiku nuk është i informuar por për shkak se atë nuk e ka zënë në gojë asnjë politikan më herët.
Presidentja e vendit Vjosa Osmani ia kushtoi konferencën gjyqtarit të etnisë serbe, Radomir Laban, duke thënë se Laban ka një veprimtari të rrezikshme në vitet 2018, 2021 dhe 2024 dhe se këto informacione zyrtare janë dorëzuar nga institucionet e sigurisë, raporton Gazeta Online Veriu.info.
Osmani sado që thotë se gjyqtari i zgjedhur në Gjykatën Kushtetuese më 2018 ka ushtruar veprimtari të rrezikshme më 2018, 2021 e 2024, ajo nuk kishte folur asnjëherë më parë për të, por vendosi të flas vetëm pak ditë para vendimit të Gjykatës Kushtretuese lidhur me konstitutimin e Kuvendit të Kosovës.
Radomir Laban ishte zgjedhur gjyqtar i Gjykatës Kushtetuese nga Kuvendi i Kosovës në seancën e 18 majit të vitit 2018, i cili ishte votuar përmes votimit të fshehtë ku mori 71 vota të deputetëve të Kuvendit, pasi paraprakisht kishte marrë 19 vota të deputetëve të komuniteteve joshumicë nga 20 sa ishin gjithsej.
Gazeta Online Veriu.info ka hulumtuar në detaje procesverbalin dhe transkriptin e mbledhjes së Kuvendit të Kosovës të 18 majit kur Laban u votua si gjyqtar i Gjykatës Kushtetuese bashkë me Bajram Latifin e propozuar nga komunitetet joshumicë jo serbe.
Transkripti i kësaj mbledhje tregon qartë se e pranishme në këtë seancë ishte edhe presidentja aktuale Vjosa Osmani, atë kohë deputete e LDK-së dhe Lëvizja Vetëvendosje, të cilët sipas transkriptit nuk e kishin thënë as edhe një fjalë të vetme kundër Radomir Labanit të propozuar nga komuniteti joshumicë serb.
Siç shihet në transkriptin e seancës të datës 18 maj 2018, të siguruar nga Veriu.info, Vjosa Osmani kishte marrë pjesë në votim. (Transkripti KËTU)
Madje Lëvizja Vetëvendosje dhe Vjosa Osmani kishin votuar për shmangie nga rregullorja e Kuvendit të Kosovës të afateve procedurale, që nënkuptonte votimi i anëtarëve të Gjykatës Kushtetuese përmes procedurës së përshpejtuar, ku bënte pjesë edhe Radomir Laban.
Glauk Konjufca nga Lëvizja Vetëvendosje ishte deklaruar se grupi parlamentar i tyre pajtohej për shmangie nga rregullorja, raporton Gazeta Online Veriu.info.
Por çështja shkon akoma më tej, ku përveç që nuk pati kundërshtime, Lëvizja Vetëvendosje mori pjesë edhe në komisionin e votimit, ku Salih Zyba ishte anëtar nga Lëvizja Vetëvendosje.
Kujtojmë që në këtë seancë ishin votuar për anëtarë të tjerë të Gjykatës Kushtetuese Radomir Laban dhe Bashkim Latifi të propozuar nga komunitetet joshumicë, kurse 3 anëtarët e propozuar shqiptarë nuk kishin marrë votat e nevojshme duke bërë që për ta të përsëritej konkursi./Veriu.info/
Veriu.info ju sjellë më poshtë të plota procesverbalin dhe transkriptin e seancës së 18 majit 2018, ku Radomir Laban u votua për anëtar të GJK:
TRANSKRIPTI KËTU
PROCESVERBALI KËTU
