Presidenti rus Vladimir Putin zuri të gjithë në befasi kur vendosi që të ishte bashkë me Donald Trumpin në automjetin presidencial të SHBA-së.
BBC raporton se ishte kërkesa e Putinit që të hipte në automjetin “Bisha” të presidentit amerikan.
“Vizita e Putinit në Alaskë është e mbushur me simbolizma. Limuzina e tij, Aurusi rus, ishte aty në bazën ushtarake, por vetë zgjodhi veturën presidenciale të Trumpit”, shkruan BBC.
“Presidenti rus i ka sinjalizuar Trumpit se i beson dhe se i pëlqen ai dhe automjeti që ka. Putini gjithashtu buzëqeshte që është krejt e kundërta me vitet e mëparshme”, thuhet më tej në raportin e BBC-së.
