Drejtori i IDK-së, Ehat Miftaraj, e ka komentuar reagimin e ambasadës amerikane për moscertifikimin e Listës Serbe për zgjedhjet e 28 dhjetorit.
Ai ka bërë me dije se tani është e qartë së Albin Kurti dhe VV-ja për pushtet janë duke e cenuar aleancën me ShBA-në.
Në profilin e tij në “Facebook”, Miftaraj ka shkruar se presidentja Vjosa Osmani duhet të reagojë.
“Shtetet e Bashkuara të Amerikes po thone se veprimet e Levizjes Vetvendosje cenojnë stabilitetin në Kosovë dhe interesat e Shteteve te Bashkuara te Amerikes. Tanime secili qe ka pak mend në kokë e kupton dhe e dinë saktë se Albin Kurti dhe LVV per me mbet ne pushtet perdor çdo mjet qe i vjen ne dorë, shkon aq larg sa cenon edhe aleancen me ShBA. Uria e LVV dhe Albin Kurtit per pushtet, financa, klientelizem, korrupsion ka shkuar ne nivel tjeter, ne nivel te frikshem. Por shtrohet pyetja nese Presidentja Osmani do kete guximin te reagoj, te ruaj aleancen me ShBA. Apo do vazhdoj te luaj lojen e LVV dhe Kurtit”, ka shkruar ai.
